14:02:11

ფირნიშები
Share |

ზაზა ფაჩულიამ რეგულარული ჩემპიონატის ბოლო მატჩში 6 ქულა და 6 მოხსნა მიითვალა

ამერიკის ნაციონალური საკალათბურთო ლიგის (NBA) რეგულარული ჩემპიონატი ლოს ანჯელესის „ლეიკერსის“ ძლევითა და პირველი ადგილით დაასრულა ზაზა ფაჩულიას გუნდმა „გოლდენ სტეიტ ვორიორზმა“ - კალიფორნიელმა ოკლენდელებმა თანაშტატელ გუნდს უმასპინძლეს და 109:94 იმარჯვეს.

„ლეიკერსთან“ სასტარტო ხუთეულში მყოფმა ზაზა ფაჩულიამ 12 წუთი ითამაშა და 6 ქულა, 6 მოხსნა, 2 პასი და 1 დაფარება მიითვალა. ზაზამ 3-დან 2 ორქულიანი და 2-დან 2 საჯარიმო ჩააგო, 1 სამიანი კი ააცილა. ქართველი ცენტრი არც დაჯარიმებულა და ბურთიც არ დაუკარგავს.

„გოლდენ სტეიტმა“ ჯამში 82 მატჩიდან 67 მოიგო, დასავლეთ კონფერენციაში, ისევე როგორც სრულიად ლიგაში პირველი ადგილი დაიკავა და პლეი-ოფის ნებისმიერ სტადიაზე მოედნის უპირატესობა მოიპოვა. საჩემპიონო ამბიციების მქონე გუნდისთვის არანაკლებ სასიხარულოა მათი ლიდერის, კევინ დიურანტის გამოჯანმრთელება, რომელმაც ტრავმის გამო 40 დღე გამოტოვა და მოედანზე დაბრუნების 3 მატჩის თავზე ჩინებულ ფორმაშია.

„გოლდენ სტეიტის“ მეტოქე პლეი-ოფის პირველ რაუნდში დასავლეთ კონფერენციაში მე-8 ადგილზე გასული „პორტლენდ ტრეილბლეიზერსი“ იქნება. ორ გუნდს შორის მატჩების სერია 4 მოგებამდეა და იგი 17 აპრილს, ქალაქ ოკლენდში დაიწყება.



სხვა ამბები

თელავის ყოფილი გამგებლის დაჭრის ბრალდებით ერთი პირი დააკავეს

სამართალდამცავებმა, თელავის მუნიციპალიტეტის ყოფილი გამგებლის და პარლამენტის ყოფილი წევრის, ვასილ დავითაშვილის ჯანმრთელობის განზრახ მძიმე დაზიანების ბრალდებით თელავში მცხოვრები ზეზვა ბაქრაძე დააკავეს. შინაგან საქმეთა სამინისტროს ინფორმაციით, დაკავებული დანაშაულს აღიარებს. დაწვრილებით  

აშშ-ს საელჩომ თელავში დაღუპული პოლიციელის მაია ჯავახიშვილის სახელობის ორდენი დააწესა

საქართველოს შს სამინისტროს და აშშ-ს სახელმწიფო დეპარტამენტის თანამშრომლობის ფარგლებში ყოველწლიური საერთაშორისო კონფერენცია - „ქალები პოლიციაში“ დასრულდა. კონფერენციის ფარგლებში, წელს პირველად აშშ-ს საელჩომ თელავში სამსახურებრივი მოვალეობის შესრულებისას დაღუპული პოლიციელის, მაია ჯავახიშვილის სახელობის ორდენი დააწესა. ღონისძიებას გარდაცვლილის და - თინათინ ჯავახიშვილიც ესწრებოდა. ამერიკელ პოლიციელ ქალს მან ორდენი პირადად გადასცა.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 24.09.17
18:00-00:00
Partly cloudyfrom east22°C2.4m/s
0mm
ორშაბათი 25.09.17 12:00-18:00
Rain showersfrom east-southeast21°C1.6m/s
1.4mm
სამშაბათი 26.09.17 12:00-18:00
Partly cloudyfrom east-northeast18°C2.4m/s
0mm
ოთხშაბათი 27.09.17 10:00-16:00
Rainfrom east11°C1.7m/s
1.2mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 4 5 6 7 8 9
10 11 12 14 15 16
17 18 19 20 21 22 23
24 25 26 27 28 29 30