03:49:47

ფირნიშები
Share |

ჩემპიონთა ლიგა დღეს მეოთხედფინალური შეხვედრებით განახლდება

სამკვირიანი შესვენების შემდეგ, ფეხბურთში ევროპის უპრესტიჟულესი საკლუბო ტურნირი მეოთხედფინალური მატჩებით განახლდება. იტალიის ჩემპიონი „იუვენტუსი“ ქალაქ ტურინში კატალონიის „ბარსელონას“ უმასპინძლებს და 2015 წელს ჩემპიონთა ლიგის ფინალში განცდილი მარცხისთვის რევანშის აღებას შეეცდება, პარალელურად კი ქალაქ დორტმუნდში ბორუსია-მონაკოს წყვილი ითამაშებს.

ლუის ენრიკეს გუნდი ტურინში საკადრო დანაკლისით ჩავიდა - ტრავმირებულნი არიან: ალეიშ ვიდალი, არდა თურანი და რაფინია, ხოლო სერხიო ბუსკეტსი დისკვალიფიკაციის გამო ვერ ითამაშებს. გამოცდილ საყრდენ ნახევარმცველს სავარაუდოდ ხავიერ მასკერანო ჩაანაცვლებს, რომელსაც ამ მხრივ ძველ პოზიციაზე მოუწევს დაბრუნება. მასპინძელი „იუვეს“ ლაზარეთში კი ერთადერთი ფეხბურთელია – ახალგაზრდა ხორვატი მარკო პიაცა. დღევანდელ მატჩში ყვითელი ბარათით იასპარეზებს ტურინელთა კოლუმბიელი გარემარბი ხუან კუადრადო, „ბარსას“ მხრიდან კი საპასუხო მატჩის გამოტოვების საფრთხის წინაშე ჟერარ პიკე, ივან რაკიტიჩი და ნეიმარი დგანან.

უაღრესად საინტერესო შეხვედრას, სადაც საუკეთესო დაცვის მქონე კლუბი საუკეთესო თავდასხმის მქონე გუნდს დაუპირისპირდება, პოლონელი არბიტრი შიმონ მარცინიაკი განსჯის.

დორტმუნდში გასამართ მატჩს სტუმარი მონაკოელები სერიოზული დანაკლისით ხვდებიან – ტიემუე ბაკაიოკოს დისკვალიფიკაცია აქვს, ხოლო ჯიბრილ სიდიბე დაშავებულია. მათ გარდა, მონეგასკურ კლუბს გაბრიელ ბოსკილია და გვიდო კარილიო ვერ დაეხმარებიან. რაც შეეხება „ბორუსიას“, მარიო გიოცე, ანდრე შიურლე და ერიკ დურმი ტრავმირებულნი არიან, მარკო როისმა კი ვარჯიში განაახლა და შესაძლოა, დღეს ძირითადშიც ვიხილოთ. თუ „ვესტფალენშტადიონზე“ ყვითელ ბარათს რაფაელ გერეირო, მარსელ შმელცერი, ფაბინიო, ჟემერსონი, ვალერ ჟერმენი და ჯიბრილ სიდიბე მიიღებენ, მაშინ საპასუხო შეხვედრის გამოტოვება მოუწევთ.

ორივე მატჩი თბილისის დროით 22:45 საათზე დაიწყება.



სხვა ამბები

წმინდა სინოდი დეკანოზ გიორგი მამალაძის საქმესთან დაკავშირებით გამოძიებას ენდობა

საქართველოს საპატრიარქო 9 მარტს გამართული სინოდის სხდომის განჩინებას აქვეყნებს. როგორც განჩინებაშია აღნიშნული, გიორგი მამალაძის საქმესთან დაკავშირებით სინოდი გამოძიებას ენდობა. დაწვრილებით  

ევროპის ზოოპარკებმა თბილისის ზოოპარკს 14 ცხოველი აჩუქეს

თბილისის ზოოლოგიურ პარკს 14 ახალი ბინადარი შეემატა. ზოოპარკის ადმინისტრაციის ინფორმაციით, უსურიის ვეფხვი რიგის ზოოპარკიდან ჩამოიყვანეს, 7 ბენეტის ვალაბი (მცირე ზომის კენგურუ) ლონდონის ზოოპარკიდან, 6 ფაფრიანი ცხვარი კი დიდი ბრიტანეთის ბენჰემის ზოოპარკიდან. ცხოველები დღეს გამთენიისას, სპეცრეისით ჩამოაფრინეს და უკვე თბილისის ზოოპარკში არიან დაბინავებული. დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ოთხშაბათი 22.11.17
08:00-12:00
Cloudyfrom west-northwest5°C2.5m/s
0mm
12:00-18:00
Rainfrom northwest7°C3.6m/s
1.5mm
18:00-00:00
Light snow showersfrom west-southwest3°C0.9m/s
0.8mm
ხუთშაბათი 23.11.17 12:00-18:00
Sleet showersfrom east-northeast4°C2.4m/s
1.4mm
პარასკევი 24.11.17 12:00-18:00
Partly cloudy3°C1.3m/s
0mm
შაბათი 25.11.17 10:00-16:00
Partly cloudyfrom northwest1°C2.2m/s
0mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 4 5 6 7 8 9
10 12 13 14 15 16
17 18 19 20 21 22 23
24 25 26 27 28 29 30