13:11:35

ფირნიშები
Share |

„ბორჯღალოსნები“ რუმინეთში დამარცხდნენ, რაგბი ევროპის ჩემპიონატის გამარჯვებული კი შეცდომით გამოცხადდა [Photos]

საქართველოს მორაგბეთა ნაკრები რაგბი ევროპის ჩემპიონატის უკანასკნელ ტურში, სტუმრად რუმინეთში მასპინძელ ნაკრებთან 7:8 დამარცხდა და ჩემპიონის ტიტული, ისევე როგორც ანთიმოზ ივერიელის სახელობის თასი, რომელიც ყოველწლიურად საქართველო-რუმინეთს შორის თამაშდება, რუმინეთის ეროვნულ გუნდს დაუთმო, თუმცა მანამდე, მატჩის დასრულების შემდეგ, ევროპული რაგბის ორგანიზატორთა შეცდომის გამო ტიტული ჯერ „ბორჯღალოსნებს“ მიენიჭათ, შემდეგ კი გამარჯვებულად რუმინეთი გამოცხადდა.

„ბორჯღალოსნები“ პირველ ტაიმში დიდი ტერიტორიული უპირატესობის მიუხედავად, შესვენებაზე მხოლოდ ორქულიანი (7:5) უპირატესობით გავიდნენ, მეორე ნახევარში კი მათმა დამრტყმელმა, როგორც იქნა, გააძვრინა ბურთი ძელებს შორის და თავისი გუნდი საბოლოოდ დააწინაურა.

შეხვედრა ქართველებისთვის უკიდურესად უიღბლოდ დაიწყო: გიორგი ნემსაძე ბურთიანად მარჯვენა ფრთაზე ხაზის გარღვევას ცდილობდა, როდესაც წაიქცა და ბურთი დაკარგა. რუმინელთა მგეზავმა უმალ ჩვენი 22-ის ხაზისკენ გადაკიდა, სადაც გაზონმა ბურთი მერაბ კვირიკაშვილისთვის მაქსიმალურად უხერხულად აისხლიტა და იქვე გაჩენილ ორ რუმინელს ერთი ქართველი ფულბეკი ვეღარ გადაეღობა და ლელო დაიდო. გამოცდილი კატალინ ფერკუს ლელოს გარდასახვა გუნდის ლიდერმა ფლორინ ვლაიკუმ ითავა, მაგრამ ვერ მოახერხა. ეს ერთადერთი დადებითი მომენტი იყო იმ ერთწუთიან მონაკვეთში, რადგან ნემსაძე მოედნიდან ექიმების დახმარებითღა გავიდა და ვეღარც დაბრუნდა. აღსანიშნავია, რომ ვლაიკუს ჩვეულად რომ დაერტყა გარდასახვა-ჯარიმები, პირველ ტაიმს სოლიდური სხვაობით წავაგებდით. პირველ ნახევარში კი „ბორჯღალოსნები“ მაინც წინ გავიდნენ: 35-ე წუთზე მერაბ შარიქაძემ კარგი ლელო დადო და წონასწორობა აღადგინა, რაც მერაბ კვირიკაშვილმა გარდასახა და საქართველო დააწინაურა- 7:5. მანამდეც და ტაიმის ბოლო 5 წუთიც „ბორჯღალოსნები“ უტევდნენ, ყველაზე საინტერესო და მოულოდნელი კი ის იყო, რომ რუმინელებმა ერთი-ორი შერკინება დამაჯერებლად მოგვიგეს.

მეორე ტაიმში იყო უმძიმესი ბრძოლა, რუმინელთა სახასიათო პატარ-პატარა სიბინძურეები, მაგრამ მთავარი - ქართველთა სათამაშო უპირატესობა სადღაც გაქრა, ბოლოს კი ვლაიკუმ სამიზნე გაისწორა და გადამწყვეტი ჯარიმა გაიტანა.

მატჩის შემდეგ რუმინეთის ნაკრებს ანთიმოზ ივერიელის თასი გადაეცა, ხოლო რაგბი ევროპამ საჩემპიონო თასი საქართველოს გადასცა. ტურნირის წესების მიხედვით, თანაბარი ქულების დაგროვების შემთხვევაში გამარჯვებულად ურთიერთ შეხვედრაში წარმატებული ვლინდება, ანუ წესითა და კანონით, ჩემპიონად რუმინეთი უნდა გამოცხადებულიყო, რადგან ტურნირი საქართველომ და რუმინეთმა 19-19 ქულით დაასრულეს, ურთიერთშეხვედრაში კი რუმინეთმა იმარჯვა, მაგრამ ჩვენდა გასაკვირად და სასიხარულოდ, რაგბი ევროპამ ჩემპიონისთვის განკუთვნილი თასი ჩვენს გუნდს გადასცა და ვიდრე რუმინელები ანთიმოზ ივერიელის თასს ეუფლებოდნენ, ქართველები ოფიციალურ საჩემპიონო ფართან მილოცვებს იღებდნენ. შეიქმნა უხერხული სიტუაცია, თუმცა საბოლოოდ „ბორჯღალოსნებს“ თასი ჩამოერთვათ, ჩემპიონებად კი რუმინელი „მუხები“ გამოცხადდნენ.



სხვა ამბები

განსაკუთრებით დიდი ოდენობით ნარკოტიკის შეძენა-შენახვის ბრალდებით ერთი პირი დააკავეს

პოლიციამ განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, 38 წლის მამაკაცი დააკავა. შინაგან საქმეთა სამინისტროს ინფორმაციით, ნარკოლოგიური შემოწმებისას დადგინდა, რომ ბრალდებული ნარკოტიკული ნივთიერების ზემოქმედების ქვეშ იმყოფებოდა. დაწვრილებით  

თელავში მევენახეობის ხელშეწყობის პროგრამის პრეზენტაცია გაიმართება

2 მარტს, თელავში სასოფლო-სამეურნეო კოოპერატივების ხელშეწყობის ახალი სახელმწიფო პროგრამის პრეზენტაცია გაიმართება. ღონისძიება თელავის საკრებულოს დარბაზში 12:00 საათზე დაიწყება. ადგილობრივ მევენახეებსა და კოოპერატივების წარმომადგენლებს პროგრამის შესახებ ინფორმაციას კოოპერატივების განვითარების სააგენტოს თავმჯდომარე, გიორგი მიშელაძე გააცნობს.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ოთხშაბათი 18.10.17
17:00-18:00
Partly cloudyfrom east12°C1.6m/s
0mm
18:00-00:00
Partly cloudyfrom east-northeast11°C1.3m/s
0mm
ხუთშაბათი 19.10.17 12:00-18:00
Fairfrom east13°C0.5m/s
0mm
პარასკევი 20.10.17 12:00-18:00
Clear skyfrom east14°C1.2m/s
0mm
შაბათი 21.10.17 10:00-16:00
Clear skyfrom northeast12°C1.1m/s
0mm
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 2 3 4 5
6 7 8 9 10 11 12
13 14 15 16 17 18 19
21 22 23 24 25 26
27 28 29 30 31