07:48:48

ფირნიშები
Share |

ჩემპიონთა ლიგაზე ყველა მეოთხედფინალისტი გუნდი გამოვლინდა [Photos]

2016-2017 წლების UEFA-ს უპრესტიჟულეს საკლუბო ტურნირზე უკანასკნელი ორი მერვედფინალური შეხვედრა გაიმართა და ცნობილი გახდა იმ რვა ევროპული საფეხბურთო კლუბის ვინაობა, რომლებიც თასისათვის ბრძოლას გააგრძელებს.

საფრანგეთის მიმდინარე ჩემპიონატის ლიდერმა „მონაკომ“ საკუთარ მოედანზე „მანჩესტერ სიტის“ უმასპინძლა და რთული ამოცანის მიუხედავად ორმატჩიანი დაპირისპირება გამარჯვებით დაასრულა. როგორც იცით პირველი შეხვედრა ინგლისში მასპინძელი „სიტის“ გამარჯვებით 5:3 დასრულდა, მონეგასკურ კლუბს კი განმეორებით შეხვედრაში მინიმუმ ორბურთიანი სხვაობით სჭირდებოდა გამარჯვება. შეხვედრა სწორედ მასპინძლების იერიშებით დაიწყო და პირველი ტაიმიც მათივე უპირატესობით დასრულდა: 18 წლის კილიან მპაბემ მე-8 წუთზე სწრაფი გოლი გაუტანა პეპ გვარდიოლას გუნდს, ბრაზილიელმა მცველმა ფაბინიომ კი 29-ე წუთზე სხვაობა გაზარდა და „მონაკოს“ დასახული მიზანი აუსრულა. მეორე ტაიმი მანჩესტერელებმა შედარებით უკეთ დაიწყეს და თუ პირველ ტაიმში კარში დარტყმაც კი ვერ მოახერხეს, მეორეში გოლიც გაიტანეს - რაჰიმ სტერლინგის ზუსტი დარტყმა „მონაკოს“ ხორვატმა კიპერმა დანიელ სუბაშიჩმა მოიგერია, თუმცა ბურთს იქვე ლეროი სანე დახვდა, 71-ე წუთზე სხვაობა შეამცირა და ტაბლოზე „მანჩესტერ სიტისთვის“ ხელსაყრელი ანგარიში აანთო. ლეონარდო ჟარდიმის გუნდს შემდეგ ეტაპზე გასასვლელად კვლავ დასჭირდა გოლის გატანა, რაც მალევე შეძლო - 6 წუთში სტანდარტული სიტუაციიდან ჩაწოდებული ბურთი ტიმუე ბაკაიოკომ თავით გადაგზავნა ვილი კაბალიეროს კარში. საბოლოოდ, ანგარიში აღარ შეცვლილა და „მონაკო“ დამსახურებულად გავიდა მეოთხედფინალში.

პარალელურად მადრიდში მიმდინარე უინტერესო მატჩი, სადაც ყველაფერი პირველ შეხვედრაში გადაწყდა, როდესაც „ატლეტიკომ“ სტუმრად ლევერკუზენში „ბაიერს“ 4:2 სძლია, ნულოვანი ფრით დასრულდა და დიეგო სიმეონეს გაწვრთნილმა გუნდმა იოლად მოიპოვა მეოთხედფინალის საგზური.

რვა მეოთხედფინალისტ კლუბს (ატლეტიკო, ბაიერნი, ბარსელონა, დორტმუნდი, იუვენტუსი, ლესტერი, მონაკო, რეალი) 17 მარტს კენჭისყრით ერთმანეთთან დააწყვილებენ, მატჩები კი 11-12 და 18-19 აპრილს გაიმართება.



ამავე თემაზე:

ჩემპიონთა ლიგაზე პირველი მეოთხედფინალისტები გამოვლინდნენ [Photos]

ბარსელონამ“ ახალი საფეხბურთო ისტორია დაწერა [Video – Photos]

„ლესტერ სიტი“ საფეხბურთო მინი-სენსაციის ავტორი გახდა [Photos]

სხვა ამბები

ივერიის ღვთისმშობლის ხატის სახელობის ტაძარი გაქურდეს

თბილისში, მახათას მთაზე მდებარე ივერიის ღვთისმშობლის ხატის სახელობის ტაძარი გაქურდეს. შინაგან საქმეთა სამინისტრომ მომხდარზე გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.

დაწვრილებით  

ქრთამის აღების ბრალდებით ონის გამგეობის განათლებისა და სოციალური დაცვის სამსახურის უფროსი დააკავეს

ანტიკორუფციული სააგენტოს თანამშრომლებმა, ქრთამის აღების ბრალდებით ონის მუნიციპალიტეტის გამგეობის განათლების, კულტურის, სპორტის, ახალგაზრდულ საქმეთა და სოციალური დაცვის სამსახურის უფროსი გიორგი მელაშვილი დააკავეს. დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
პარასკევი 19.01.18
12:00-18:00
Fairfrom west7°C1.7m/s
0mm
18:00-00:00
Partly cloudyfrom west-southwest3°C2.7m/s
0mm
შაბათი 20.01.18 12:00-18:00
Fairfrom south-southeast5°C0.7m/s
0mm
კვირა 21.01.18 12:00-18:00
Fairfrom north6°C0.5m/s
0mm
ორშაბათი 22.01.18 10:00-16:00
Partly cloudyfrom east-northeast6°C0.2m/s
0mm
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 2 3 4 5
6 7 8 9 10 11 12
13 14 15 17 18 19
20 21 22 23 24 25 26
27 28 29 30 31