02:47:09

ფირნიშები
Share |

განათლების სამინისტრომ მაჯის საათებში 25 000 ლარი გადაიხადა

განათლებისა და მეცნიერების სამინისტრომ 90 ერთეული მაჯის ბრენდირებული საათი დაამზადებინა, რომლის ციბერბლატზეც სამინისტროს ლოგოა გამოსახული. საათები შვეიცარიული წარმოებისაა და მათ შესყიდვაზე ბიუჯეტიდან 25 000 ლარი დაიხარჯა.

გამარტივებული ელექტრონული ტენდერი მაჯის საათების შესყიდვის მიზნით განათლებისა და მეცნიერების სამინისტრომ 2016 წლის 15 დეკემბერს გამოაცხადა. მაჯის საათების შესყიდვის მიზანი სატენდერო დოკუმენტებში მითითებული არ არის. როგორც კახეთის საინფორმაციო ცენტრს სამინისტროში განუმარტეს, საათები თანამშრომლების წახალისების მიზნით შეიძინეს.

„საათების შესყიდვა სისტემის თანამშრომლების წახალისების მიზნით მოხდა. კრიტერიუმები, რომლის მიხედვითაც საათი გაიცემა, მოგვიანებით შემუშავდება“, - ამბობს განათლების სამინისტროს საზოგადოებასთან ურთიერთობის დეპარტამენტის უფროსი ნატა ასათიანი.

სატენდერო დოკუმენტაციის თანახმად, შესყიდვის ობიექტს წარმოადგენდა 90 ცალი ბრენდირებული საათი, რომლის ციფერბლატზე ქარხნული წესით უნდა ყოფილიყო გამოსახული ამავე სამინისტროს ლოგო. საათების მწარმოებელია შვეიცარიული ფირმა „chrono ag“, თითოეული საათის ღირებულება კი დაახლოებით 278 ლარს შეადგენს.

ტენდერის პირობებით, შესასყიდი საათების სხვა ტექნიკური მახასიათებლები ასეთია: პოლირებული ფოლადის კორპუსი; საფირის მინა, რომელიც არ უნდა იმტვრეოდეს და იჩხაპნებოდეს; კვარცის მექანიზმი; წყალთმედეგობა - არანაკლებ 50 მეტრისა; ნატურალური ტყავის სამაჯური (ანტიალერგიული) და ა.შ.

ჩატარებულ ტენდერში მისმა ერთადერთმა მონაწილემ - შპს „და ვინჩიმ“ (ს/კ - 406177783) გაიმარჯვა, რომელთანაც ხელშეკრულება სამინისტრომ 2017 წლის 4 იანვარს გააფორმა. მაჯის საათების სამინისტროსთვის მიწოდება ხელშეკრულების დადებიდან 1 თვის ვადაში განხორციელდა.

ცნობისათვის, შპს „და ვინჩი“ 2016 წლის 20 მაისს არის დარეგისტრირებული, - მისი დირექტორი და 100 % წილის მფლობელია გიორგი გიორგაძე. აღსანიშნავია, რომ დაფუძნებიდან დღემდე ამ კომპანიას არცერთ სხვა ტენდერში არ მიუღია მონაწილეობა. 



სხვა ამბები

ვეტერანებისთვის ზედმეტად გაცემული საყოფაცხოვრებო სუბსიდია ლეგალიზებას დაექვემდებარა

2013 წლის 1-ლი სექტემბრის შემდგომ ვეტერანთა გარკვეულ ნაწილს საყოფაცხოვრებო სუბსიდია ზედმეტად ერიცხებოდა, რასაც ახლდა ადმინსტრაციული და სასამართლო წარმოებების მიმდინარეობა საყოფაცხოვრებო სუბსიდიის უკან დაბრუნების თაობაზე. აღნიშნული პროცესი მძიმე ტვირთად დააწვა ვეტერანებს და მათი ოჯახის წევრებს.

დაწვრილებით  

სპირტიანი სასმელების უაქციზოდ გადაზიდვის ბრალდებით ერთი პირი დააკავეს

ფინანსთა სამინისტროს საგამოძიებო სამსახურმა აქციზური მარკის სავალდებული დართვას დაქვემდებარებული სხვადასხვა დასახელების სპირტიანი სასმელების უაქციზოდ გადაზიდვის ბრალდებით, ერთი პირი დააკავა.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
შაბათი 20.01.18
07:00-12:00
Cloudyfrom west-1°C2.0m/s
0mm
12:00-18:00
Fairfrom south-southeast6°C0.4m/s
0mm
18:00-00:00
Clear skyfrom east-southeast2°C1.8m/s
0mm
კვირა 21.01.18 12:00-18:00
Fairfrom north-northeast6°C0.8m/s
0mm
ორშაბათი 22.01.18 10:00-16:00
Cloudyfrom southeast6°C0.6m/s
0mm
სამშაბათი 23.01.18 10:00-16:00
Partly cloudyfrom west-southwest6°C1.1m/s
0mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 4 5 6 7 8 9
10 11 12 13 14 15 16
17 18 19 20 21 22 23
25 26 27 28 29 30