12:06:53

ფირნიშები
Share |

შესაძლოა დახურულ სივრცეში ელექტროსიგარეტისა და ჩილიმის მოწევაც აიკრძალოს

თამბაქოს კონტროლის შესახებ კანონპროექტის თანახმად, ფართოვდება ტერმინი „თამბაქოს ნაწარმი“ და მას ემატება ისეთი თამბაქოს ნაწარმის სახეობა როგორებიცაა მაგალითად „ჩილიმისთვის განკუთვნილი თამბაქო“, „საწუწნი თამბაქო“, „ელექტრონული სიგარეტებისა და სხვა მსგავსი მოწყობილობების ნიკოტინის შემცველი მასალები/კარტრიჯები/კაფსულები” და ა.შ.

კანონპროექტის ინიციატორის, გუგული მაღრაძის განმარტებით, ჩილიმისთვის განკუთვნილი თამბაქო ჩილიმ ბარებშიც უნდა აიკრძალოს, თუმცა, მისი თქმით, ეს საკითხი მეორე მოსმენისთვისაა შესათანხმებელი.

„ჩვენ ვფიქრობთ, რანაირი რეგულაციები გავაკეთოთ დიდ კაზინოებსა და ჩილიმ ბარებთან დაკავშირებით. მეორე მოსმენამდე რაიმე გადაწყვეტილებას მივიღებთ. მე, მაგალითად, მომხრე ვარ, რომ აიკრძალოს, მაგრამ ამაზე უმრავლესობაშიც და მთავრობასთანაც უნდა შევჯერდეთ“, - ამბობს გუგული მაღრაძე

მისივე თქმით, იმ შემთხვევაში თუ ჩილიმ ბარებზე გამონაკლისს დაუშვებენ, იქ საკვების გაყიდვა უნდა შეიზღუდოს.

„იქ არ იქნება არანაირი სასმელი და საჭმელი, რადგან, ეს რომ დავუშვათ, მაშინ შეიძლება ყველა სხვამაც (კაფე-ბარმა) დაირქვას ჩილიმ ბარი... გამონაკლისის შესახებ, ჯერ ზუსტად არაფერი ვიცი. ეს მეორე მოსმენისთვის შესათანხმებელი საკითხია და საბოლოო გადაწყვეტილება მიღებული არ არის, თუმცა ღამის კლუბებსა და ბარებში ნამდვილად აიკრძალება, იმიტომ, რომ იქ სასმელი და საჭმელია და ჩვენ ამას არ ვუშვებთ“, - ამბობს გუგული მაღრაძე

პროექტის თანახმად, კაფე-ბარების, რესტორნებისა და კვების ობიექტების, სამორინეებისა და აზარტული კლუბების მეპატრონეები 2018 წლის 1 იანვრამდე უფლებამოსილნი იქნებიან, შენობაში სპეციალურად მწეველთათვის განკუთვნილი ადგილები გამოყონ, რომლებიც შემდეგ კრიტერიუმებს უნდა აკმაყოფილებდეს:

არ უნდა იკავებდეს შესაბამისი დაწესებულების საერთო ფართობის 50%-ზე მეტს;

ჰქონდეს ვენტილაცია ან ღია სივრცეში გამავალი ფანჯარა.

პარლამენტმა „თამბაქოს კონტროლის შესახებ“ კანონში ცვლილების პროექტი პირველი მოსმენით მიიღო. როგორც კანონპროექტის განმარტებით ბარათშია აღნიშნული, ცვლილებების მიღების შემთხვევაში თამბაქოს მოწევა სრულად აიკრძალება ნებისმიერ შენობა-ნაგებობაში, გარდა კერძო საცხოვრებელი სახლებისა და თამბაქოს კვამლის შემსწავლელი სპეციალიზირებული ლაბორატორიული დანადგარებისა, აგრეთვე პატიმრობის და თავისუფლების აღკვეთის დაწესებულებებისა.

„თამბაქოს კონტროლის შესახებ” კანონის დარღვევის შემთხვევაში, ფიზიკური პირებისთვის საჯარიმო სანქციები 50 ლარიდან, ხოლო იურიდიული პირებისთვის 500 ლარიდან დაიწყება.

კანონის ძირითადი მუხლები 2018 წლიდან შევა ძალაში. ნაწარმის ხილვადობის აკრძალვა ორი წლის შემდეგ, სტადიონზე მოწევასთან დაკავშირებული აკრძალვა კი, სრულად 2020 წლიდან ამოქმედდება.


სხვა ამბები

მიკროავტობუსის დაჯახების შედეგად ქვეითად მოსიარულე მამაკაცი გარდაიცვალა

თბილისში, წერეთლის გამზირზე, ავტოავარიის შედეგად შუახნის მამაკაცი დაიღუპა. ქვეითად მოსიარულე მამაკაცს სამარშრუტო ხაზის, N6 მიკროავტობუსი დაეჯახა, რის შემდეგაც იგი ადგილზე გარდაიცვალა. დაწვრილებით  

12 აგვისტო - დიდგორის ბრძოლაში გამარჯვების დღე შესაძლოა უქმედ გამოცხადდეს

დიდგორის ბრძოლაში გამარჯვების დღე - 12 აგვისტო, შესაძლოა, საქართველოს დიდი გამარჯვების დღედ  და უქმედ გამოცხადდეს. საპარლამენტო უმრავლესობის მიერ „შრომის კოდექსში“ ცვლილებების პროექტი საკანონმდებლო ორგანოში უკვე ინიცირებულია. ინიციატივის ავტორების განმარტებით, კანონპროექტის მიზანია, საქართველოს ხელისუფლებამ ევროინტეგრაციის პროცესის პარალელურად, მეტი ძალისხმევა მიმართოს შიდა ეროვნული კონსოლიდაციისკენ. დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 19.11.17
16:00-18:00
Partly cloudyfrom southeast13°C0.5m/s
0mm
18:00-00:00
Partly cloudyfrom west9°C1.0m/s
0mm
ორშაბათი 20.11.17 12:00-18:00
Clear skyfrom southeast13°C0.6m/s
0mm
სამშაბათი 21.11.17 12:00-18:00
Partly cloudyfrom east-northeast14°C1.1m/s
0mm
ოთხშაბათი 22.11.17 10:00-16:00
Rainfrom northwest5°C2.1m/s
1.3mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 4 5 6 7 8 9
10 12 13 14 15 16
17 18 19 20 21 22 23
24 25 26 27 28 29 30