00:00:09

ფირნიშები
Share |

პანკისში დაპირისპირებული გვარები შერიგდნენ – „კარგია, რომ პოლიცია არ ჩაერია“

პანკისის ხეობაში წინწალაშვილებსა და ტოხოსაშვილებს შორის არსებული დაპირისპირება შერიგებით დასრულდა. ამის შესახებ პანკისის სათემო რადიო WAY-ს უხუცესთა საბჭოს წევრმა ხასო ხანგოშვილმა განუცხადა.

„მართლაც ძალიან დაძაბული ვითარება იყო. დიდხანს მოგვიწია მუშაობა ამ საკითხის მოსაგვარებლად. გუშინ მოხდა შეხვედრა და ორივე გვარის წარმომადგენლები შერიგდნენ. ჩვენ გვქონდა ამ საკითხთან დაკავშირებით ურთიერთობა თვითონ ამ ახალი მიმდინარეობის წარმომადგენლებთან (იგულისხმებიან სალაფიტები) დუისში, იმ ზომიერ ფრთასთან, რომელიც დღევანდელობას სწორად განჭვრეტს. ზუსტად ამ ძალის დახმარებით, მათი აქტიური მონაწილეობით დადებითად გადაწყდა ეს საკითხი.

- პოლიციამ რა როლი შეასრულა?

- პოლიციაც თავისთავად ცხადია მოქმედებდა, მაგრამ უნდა აღინიშნოს მათი მხრიდან ლმობიერი დამოკიდებულება. შეიძლებოდა ეს უფრო გართულებულიყო, დაჭერებიც მომხდარიყო, მაგრამ ჩვენც ვთხოვეთ პოლიციას, რომ ჩვენ თვითონ მოვაგვარებდით ამ ამბავს. ჩვენ ვცდილობთ, რომ ყოველთვის ეს საქმე მოვაგვაროთ ძალოვანი სტრუქტურების ჩარევის გარეშე. თუ ჩაერივნენ, კანონი არის ყველასთვის და კანონით მოხდებოდა დაკავება, სასამართლომდე მივიდოდა, მაგრამ რაც არ უნდა მიესაჯათ და მოეხადათ სასჯელი, საბოლოოდ მაინც აუცილებლად ბრუნდება ადათობრივ სასამართლოში“, – აღნინა ხასო ხანგოშვილმა.

სალაფიტების წარმომადგენლების ინფორმაციით, გვარების შერიგებას უხუცესებიც ცდილობდნენ, თუმცა გადაწყვეტილების მიღების პროცესში მათ მონაწილეობა არ მიუღიათ.

სალაფიტური ისლამის თემის წარმომადგენელი მუსა პანკისელი (მურაზი გოდერძიშვილი) ავრცელებს შერიგების ამსახველ ვიდეომასალას და ამბობს, რომ შერიგებაში მონაწილეობდნენ , შეიხები ისსა და აბდულქერიმი.

პანკისში წინწალაშვილებსა და ტოხოსაშვილებს შორის კონფლიქტი მას შემდეგ დაიწყო, რაც ხეობაში მცხოვრებ ორ სრულწლოვანს, რომელთაც ინტელექტუალური დარღვევა აქვთ, ნათესავებმა და ახლობლებმა დაოჯახების უფლება არ მისცეს. კონფლიქტის შედეგად მინიმუმ სამი ადამიანი დაშავდა. მათ შორის ერთ–ერთს თავის არეში მიყენებული ჭრილობების გამო თელავის რეფერალურ საავადმყოფოში ოპერაცია ჩაუტარდა. ჩხუბის შედეგად დაზიანდა ავტომობილებიც. ახმეტის პოლიციისთვის კონფლიქტის მიზეზიც და შედეგებიც ცნობილი იყო. პოლიციამ ქორწინების თავისუფლების დარღვევის და ოჯახში ძალადობის ფაქტზე გამოძიებაც კი არ დაიწყო.

საქმე დაპირისპირებული გვარების ერთობლივი მიმართვის საფუძველზე შარიათის სასამართლომ განიხილა. წინწალაშვილების გვარს ტოხოსაშვილების სასარგებლოდ 13 ათასი დოლარის გადახდა დაეკისრა.

გუშინ შემდგარი შერიგების შედეგად, ტოხოსაშვილებმა წინწალაშვილებს აღნიშნული თანხაც აპატიეს.



სხვა ამბები

თელავში იარაღის და საბრძოლო მასალის შეძენა-შენახვის ბრალდებით ერთი პირი დააკავეს

სამართალდამცავებმა, თელავის რაიონის სოფელ ლალისყურში ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით 63 წლის მამაკაცი დააკავეს. დაწვრილებით  

ლაგოდეხში სასმელ წყალს ლოკოკინები მოსდევს [Photos]

ქალაქ ლაგოდეხში, ზაქათალის ქუჩის მცხოვრებლების ინფორმაციით, სასმელ წყალში ლოკოკინებს პოულობენ. ისინი გაერთიანებული წყალმომარაგების კომპანიას, რომლის დაკვეთითაც ქსელის შეცვლის სამუშაოები მეორე წელია მიმდინარეობს, ვალდებულებების შეუსრულებლობაში ადანაშაულებენ. მათივე თქმით, დაბინძურებული წყალი ეპიდემიის გავრცელების საფრთხეს ქმნის

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 25.06.17
04:00-06:00
Clear skyNNW17°C1.3m/s
0mm
06:00-12:00
Clear skyfrom west-northwest17°C1.8m/s
0mm
12:00-18:00
Clear skyfrom northeast24°C0.7m/s
0mm
18:00-00:00
Clear sky24°C2.4m/s
0mm
ორშაბათი 26.06.17 12:00-18:00
Fairfrom east22°C3.3m/s
0mm
სამშაბათი 27.06.17 12:00-18:00
Clear skyfrom northeast24°C1.5m/s
0mm
ოთხშაბათი 28.06.17 10:00-16:00
Partly cloudyfrom southeast24°C0.5m/s
0mm
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 2 3 4 5
6 7 8 9 10 11 12
13 15 16 17 18 19
20 21 22 23 24 25 26
27 28 29 30 31