19:36:17

ფირნიშები
Share |

23 წლის ლევან წიკლაური დედოფლისწყაროდან - ბავშვობიდან მესაზღვრეობაზე ვოცნებობდი [Photos]

სასაზღვრო პოლიციის N4 სამმართველოს (დედოფლისწყარო) სახმელეთო საზღვრის დაცვის დეპარტამენტის მობილური ოცეულის ინსპექტორი, 23 წლის ლევან წიკლაური მესამე წელია საქართველოს აღმოსავლეთ საზღვარს იცავს. ლევანი პარალელურად კიკბოქსინგში ვარჯიშობს და მსოფლიო ჩემპიონატის ვერცხლის მედლის მფლობელია. იგი თავის წონაში საქართველოში პირველი ნომერია.

როგორც ლევან წიკლაურმა კახეთის საინფორმაციო ცენტრს უთხრა, სასაზღვრო სამსახურში მუშაობა 2012 წელს, კიკბოქსინგის მასწავლებლის, თამაზ ყარაგვეზაშვილის რჩევით დაიწყო და ბავშვობის ოცნება აისრულა. როგორც ლევანი ამბობს, ამაყობს, რომ საქართველოს საზღვარს იცავს.

„2012 წელს დავამთავრე სავალდებულო სამხედრო სამსახური. ჯარიდან რომ ჩამოვედი, კიკბოქსინგის მასწავლებელმა, თამაზ ყარაგვეზაშვილმა მითხრა, რომ სასაზღვრო პოლიციაში მიღება იყო. ძალიან გამიხარდა და მაშინვე ჩავეწერე. შემდეგ პოლიციის აკადემია გავიარე და უკვე მესამე წელია საქართველო-აზერბაიჯანის საზღვარს ვიცავ. როდესაც ბავშვი ვიყავი და ფორმიან ადამიანებს ვხედავდი, ჩემი ოცნება იყო, რომ ფორმა მეც მცმოდა. ამ ოცნების ასრულება ჩემი მასწავლებლის რჩევით შევძელი. ვფიქრობ, კაცისთვის ამაზე საამაყო და საპასუხისმგებლო პროფესია არ არსებობს“,- უთხრა კახეთის საინფორმაციო ცენტრს ლევან წიკლაურმა.

სასაზღვრო პოლიციის ინსპექტორი კიკბოქსინგში საქართველოს მრავალგზის ჩემპიონი და ევროპის ჩემპიონატის ბრინჯაოს მედალოსანია. მოგებული აქვს საერთაშორისო ტურნირები ტაილანდურ კრივში, არის მრავალი საერთაშორისო ტურნირის გამარჯვებული. მისი დამსახურებით საქართველოს ნაკრები ყოველწლიურად იღებს პრესტიჟულ ჯილდოებს სპორტის ამ სახეობაში.

„კიკბოქსინგში ვარჯიში 13 წლიდან დავიწყე და 18 წლამდე, სანამ ჯარში წავიდოდი ვვარჯიშობდი. ჯარიდან დაბრუნების შემდეგ ისევ აქტიურად ჩავები სპორტში. კიკბოქსინგის გარეშე ცხოვრება ვერ წარმომიდგენია. ჩემ მეზობლად ცხოვრობდა მსოფლიოში ცნობილი კიკბოქსიორი გიორგი წიკლაური და სულ მინდოდა, რომ მასავით წარმატებული ვყოფილიყავი. კიკბოქსინგში მსოფლიო პრიზიორი ვარ და ჩემი მთავარი მიზანია ჩემპიონი გავხდე. ვფიქრობ, რომ ჯერ მწვერვალის მისადგომებთან ვარ და მთავარი მიზნისთვის არ მიმიღწევია. სულ ვვარჯიშობ და მიზანს აუცილებლად მივაღწევ. ასევე, ერთგულად დავიცავ ჩემი ქვეყნის საზღვარს“,- ამბობს ლევან წიკლაური.



სხვა ამბები

ჰაკერებმა საფრანგეთის პრეზიდენტის „ფეიქსბუქის“ გვერდი გატეხეს

ჰაკერებმა საფრანგეთის პრეზიდენტის „ფეისბუქის“ გვერდი გატეხეს. დაუდგენელმა პირებმა ფრანსუა ოლანდის კედელზე ჩანაწერი განათავსეს და მომხმარებლები წვეულებაზე მიიწვიეს, რომელსაც ავტორების თქმით, პრეზიდენტი 7 მაისს თანამდებობიდან გადადგომის აღსანიშნავად გეგმავდა. დაწვრილებით  

თაღლითობის მცდელობის ბრალდებით ორი პირი დააკავეს

სახელმწიფო უსაფრთხოების სამსახურის ინფორმაციით, სამართალდამცავებმა ჯგუფის მიერ დიდი ოდენობით თაღლითობის მცდელობის ბრალდებით მოქალაქეები ეთერ გ. და მურმან რ. დააკავეს. დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 18.02.18 12:00-18:00
Rainfrom southwest3°C1.2m/s
2.2mm
ორშაბათი 19.02.18 12:00-18:00
Cloudyfrom southeast1°C0.9m/s
0mm
სამშაბათი 20.02.18 10:00-16:00
Cloudyfrom south-southwest1°C0.6m/s
0mm
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 2 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31