15:09:05

ფირნიშები
Share |

უზენაეს სასამართლოსთან „რუსთავი 2-ის“ მხარდამჭერი აქცია მიმდინარეობს

უზენაესი სასამართლოს მიმდებარე ტერიტორიაზე ტელეკომპანიის თანამშრომლები, მხარდამჭერები და პოლიტიკოსები „რუსთავი 2-ის“ მხარდამჭერ აქციას მართავენ. აქციას ესწეებიან საკოორდინაციო საბჭოს წევრები, რომელშიც სხვადასხვა პოლიტიკური პარტიაა გაწევრიანებული.

უზენაესი სასამართლოს მიმდებარე ტერიტორიიდან პირდაპირი ტრანსლაცია ხორციელდება და „რუსთავი 2-ის“ ეთერით გადაიცემა.

ადგილზე მობილიზებულნი არიან სამართალდამცავები, რომლებიც სასამართლოს შენობის გარე პერიმეტრს იცავენ.

რომელ საათზე დაიწყებს უზენაესი სასამართლო „რუსთავი 2-ის“ საქმის განხილვას ცნობილი არ არის. შესაძლოა, დღეს სასამართლომ საქმეზე გადაწყვეტილება არ მიიღოს, ვინაიდან დიდმა პალატამ მხარეების შუამდგომლობები უნდა განიხილოს.

„რუსთავი 2-ის“ მხარე ითხოვს საქმეს ნინო გვენეტაძე და მზია თოდუა ჩამოშორდნენ. გვენეტაძის ჩამოშორებას მის მიერ გაკეთებული საჯარო განცხადებების გამო ითხოვენ, ხოლო მზია თოდუას ჩამოშორების არგუმენტი ისაა, რომ, „რუსთავი 2-ის“ ინფორმაციით, ის „ქართული ოცნების“ შემომწირველია. „რუსთავი 2-ი“ ასევე ტელეკომპანიის მიმართ ყადაღის გაუქმებას ითხოვს.

ქიბარ ხალვაშის ინტერესების დამცველები კი ბესარიონ ალავიძის, პაატა ქათამაძისა და ეკატერინე გასიტაშვილის საქმისგან ჩამოშორებას ითხოვენ.

დიდმა პალატამ, შესაძლოა, ძალაში დატოვოს მეორე ინსტანციის სასამართლოს გადაწყვეტილება, რაც იმას ნიშნავს, რომ „რუსთავი 2-ის“ 100-პროცენტიანი წილის მფლობელი ქიბარ ხალვაში გახდება ან საქმე დააბრუნოს სააპელაციო სასამართლოში ან „რუსთავი 2“ ძმები ყარამანაშვილების მფლობელობაში დატოვოს.

საქმეს უზენაესი სასამართლოს 9 მოსამართლე განიხილავს. გადაწყვეტილების მისაღებად კი 5 ხმა საკმარისია.



სხვა ამბები

განათლების სამინისტრომ მაჯის საათებში 25 000 ლარი გადაიხადა

განათლებისა და მეცნიერების სამინისტრომ 90 ერთეული მაჯის ბრენდირებული საათი დაამზადებინა, რომლის ციბერბლატზეც სამინისტროს ლოგოა გამოსახული. საათები შვეიცარიული წარმოებისაა და მათ შესყიდვაზე ბიუჯეტიდან 25 000 ლარი დაიხარჯა.

დაწვრილებით  

ყაზბეგში სახანძრო-სამაშველო სამსახურის ახალი შენობა გაიხსნა

ყაზბეგის რაიონის სოფელ გერგეტში სახანძრო-სამაშველო სამსახურის ახალი შენობა გახსნა. ორსართულიანი შენობა თანამედროვე ინვენტარითა და უახლესი ტექნიკით აღიჭურვა, აშენდა ახალი სასწავლო კოშკურა და განხორციელდა შენობის მიმდებარე ტერიტორიაზე არსებული ინფრასტრუქტურის რეაბილიტაცია.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ორშაბათი 25.09.17
19:00-00:00
Rainfrom east-northeast16°C1.6m/s
0.9mm
სამშაბათი 26.09.17 12:00-18:00
Partly cloudyfrom east17°C2.3m/s
0mm
ოთხშაბათი 27.09.17 12:00-18:00
Rainfrom east13°C1.9m/s
1.1mm
ხუთშაბათი 28.09.17 10:00-16:00
Heavy rainfrom east9°C2.8m/s
11.4mm
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31