08:11:43

Share |

დახურულ შენობებში, საზოგადოებრივ ტრანსპორტსა და სტადიონებზე შესაძლოა მოწევა აიკრძალოს

დახურულ შენობებში, საზოგადოებრივ ტრანსპორტსა და სტადიონებზე, შესაძლოა, მოწევა აიკრძალოს. კანონმდებლობა მკაცრდება ახალი კანონპროექტით, რომელიც „თამბაქოს კონტროლის შესახებ“ საქართველოს კანონში ცვლილებების შეტანას ითვალისწინებს.

გუგული მაღრაძის კანონპროექტთა პაკეტის მიხედვით, თამბაქოს მოწევა აიკრძალება დახურულ სივრცესა და საზოგადოებრივ ტრანსპორტში, ზოგიერთ ღია სივრცესა და შეკრებაზე. ასევე, აიკრძალება თამბაქოს ნაწარმის რეკლამა, სპონსორობა და პოპულარიზაციის სხვა ფორმები, თამბაქოს ნაწარმის ხილული განლაგება, თამბაქოს რეალიზაცია გზის სავალ ნაწილზე (ე.წ. „დრაივი“). ცვლილების მიხედვით, თამბაქოს კოლოფებზე გაიზრდება სამედიცინო გაფრთხილების ზომა და დატანილ იქნება პიქტოგრამებიც. დარეგულირდება ელექტრონული სიგარეტის საკითხიც.

გუგული მაღრაძის განმარტებით, საკანონმდებლო ცვლილებების შემუშავების მიზანი თამბაქოთი გამოწვეული დაავადებების და სიკვდილიანობის, ასევე, ეკონომიკური და სოციალური ზარალის შემცირებაა. მისივე თქმით, თამბაქოსთან დაკავშირებული სათანადო ღონისძიებების განხორციელებას მოითხოვს საქართველოს ევროკავშირთან დაახლოების პროცესიც.

კომიტეტის სხდომაზე კანონპროექტის წარდგენამდე, დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა, ამირან გამყრელიძემ თამბაქოს მოხმარებით გამოწვეული დაავადებებისა და სიკვდილიანობის შესახებ ისაუბრა და აღნიშნა, რომ საქართველოში სიკვდილიანობის ერთ-ერთი მთავარი მიზეზი გულ-სისხლძარღვთა დაავადებებია.

„საქართველოში ყოველწლიურად 49 ათასი ადამიანი იღუპება და აქედან 11 ათასი ადამიანი - თამბაქოს მოხმარების გამო (22%) . თუ მსოფლიოში, საშუალოდ, 11% იღუპება თამბაქოს მოხმარების გამო, ჩვენთან ეს მონაცემი 22 %-ია“,- განაცხადა ამირან გამყრელიძემ.

ფილტვის კიბოს ეპიდემიოლოგიურ სურათზე ისაუბრა ონკოლოგიის ეროვნული ცენტრის გენერალურმა დირექტორმა, რეზო გაგუამ. მისი ინფორმაციით, საქართველოში ყოველწლიურად კიბოს 10 ათასზე მეტი შემთხვევა ვლინდება და ამ ონკოლოგიური დაავადების გამომწვევ ძირითად მიზეზთა შორის სწორედ თამბაქოს მოწევაა. მისი განმარტებით, თამბაქო 4 ათასამდე ქიმიურ ნივთიერებას შეიცავს, რომელთა 60 %-ზე მეტი კარცენოგენულია.

 „თამბაქოს კონტროლის ალიანსის“ წარმომადგენლებმა და კანონპროექტის თანაავტორებმა გიორგი ბახტურიძემ და კახა ღვინიანიძემ განაცხადეს, რომ საჯარო და სამასპინძლო შენობებში თამბაქოს კვამლის მიკრონაწილაკების შემცველობა ერთ კუბამეტრ ჰაერზე დასაშვებ ზღვარს 40-ჯერ აღემატება. განსაკუთრებით მძიმე მდგომარეობაა კაფე-ბარებში. გიორგი ბახტურიძის განცხადებით, თამბაქო რეკლამირებული და ხელმისაწვდომია ბავშვებისთვის.

კანონპროექტს პარლამენტის ჯანმრთელობის დაცვისა და სოციალურ საკითხთა კომიტეტის წევრებმა მხარი დაუჭირეს.



ფირნიშები

სხვა ამბები

თურქეთში პოლიციის ვერტმფრენმა ავარია განიცადა

თურქეთის აღმოსავლეთის რეგიონში პოლიციის შვეულმფრენი ჩამოვარდა. ვერტმფრენში 12 ადამიანი იმყოფებოდა. დაღუპულებს შორის არიან პოლიციელები, ერთი მოსამართლე, ერთი ჯარისკაცი და ეკიპაჟის წევრები.

დაწვრილებით  

უკრაინაში ეუთოს ამერიკელი დამკვირვებელი მოკლეს

ევროპის უშიშროებისა და თანამშრომლობის ორგანიზაცია (OSCE) აცხადებს, რომ 23 აპრილს აღმოსავლეთ უკრაინაში ამერიკელი ექიმი ჯოზეფ სტოუნი დაიღუპა, რომელიც კონფლიქტის ზონაში საერთაშორისო სამხედრო დამკვირვებლებად მუშაობდა.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ოთხშაბათი 26.04.17
12:00-18:00
Cloudyfrom east-southeast9°C3.2m/s
0mm
18:00-00:00
Cloudyfrom east-southeast10°C2.6m/s
0mm
ხუთშაბათი 27.04.17 12:00-18:00
Fairfrom east12°C2.7m/s
0mm
პარასკევი 28.04.17 12:00-18:00
Partly cloudyfrom east13°C1.8m/s
0mm
შაბათი 29.04.17 10:00-16:00
Partly cloudyfrom east-southeast12°C0.5m/s
0mm
yr.no

ავტორიზაცია

< თებერვალი 2017 >
ორშ სამ ოთხ ხუთ პარ შაბ კვი
    1 2 3 4 5
6 7 8 9 10 11 12
13 14 15 16 17 18 19
20 22 23 24 25 26
27 28