07:00:34

ფირნიშები
Share |

ავარეთ – კახეთის გზის მშენებლობასთან დაკავშირებით აქცია გაიმართება

ავარეთ-კახეთის გზის მშენებლობასთან დაკავშირებით 16 ნოემბერს, თბილისში, პარლამენტის ძველი შენობის წინ გამაფრთხილებელი აქცია გაიმართება. აქციის ორგანიზატორები ახალგაზრდები არიან. მათი თქმით, აქცია რუსული ოკუპაციის ახალი ტალღის საწინააღმდეგოდ გაიმართება.

„როცა არსებობს ორჭოფული პოზიცია ხელისუფლებაში ამ გზის მშენებლობასთან დაკავშირებით, ვერ გავჩუმდებოდი. ორჭოფული პოზიცია არ უნდა არსებობდეს. ავარეთ-კახეთის მაგისტრალის მშენებლობასთან დაკავშირებით უნდა იყოს მხოლოდ ცალსახა დამოკიდებულება - ეს გზა არ უნდა აშენდეს. ჩვენი მიზანია, ნათლად გავუმარტოთ ხელისუფლებას ამ პროექტის დამღუპველი შედეგები, რათა მან უარი თქვას მასში საქართველოს მონაწილეობაზე. ეს არის ქართული საზოგადოების ჯანსაღად მოაზროვნე ნაწილის დამოუკიდებელი აქცია რუსული ოკუპაციის ახალი ტალღის წინააღმდეგ. ამ აქციის ორგანიზატორი უნდა იყოს მთლიანად ქართული საზოგადოება“, -  განუცხადა კახეთის საინფორმაციო ცენტრს აქციის ორგანიზატორმა, „მწვანეთა პარტიის“ ყვარლის ორგანიზაციის ხელმძღვანელმა დავით ჩუთლაშვილმა.

მისივე თქმით, გამაფრთხილებელი აქცია პარტიული ნიშნით არ იმართება და მასში  მონაწილეობა ყველას შეუძლია, ვინც გზის მშენებლობას აპროტესტებს. საპროტესტო აქცია 15:00 საათზე დაიწყება.

ავარეთ – კახეთის გზის რეაბილიტაცია – მშენებლობა დაღესტანში აგვისტოს თვიდან დაიწყო. „დაღესტნის ავტოგზის“ პრესსამსახურის ინფორმაციით, პროექტი საქართველოსთან შემაერთებელი 83-კილომეტრიანი გზის მშენებლობას ითვალისწინებს, რისთვისაც 25 ხიდის და 5 გვირაბის აშენება იქნება საჭირო. აღნიშნული ობიექტი მახაჩყალა-თბილისის 470-კილომეტრიანი საავტომობილო მარშრუტის პროექტის ნაწილია.

საქართველოს ხელისუფლება გზის მშენებლობას ეკონომიკური განვითარების ხელშეწყობად მიიჩნევს, თუმცა ქართულ მხარეს საქართველოს ტერიტორიაზე გზის მშენებლობის შესახებ ოფიციალური მზადყოფნა ჯერ არ განუცხადებია.

საქართველოს ყოფილი ხელისუფლების წარმომადგენლები პროექტის სამხედრო საფრთხეებზე საუბრობენ და აცხადებენ, რომ ავარეთ-კახეთის გზა „კახეთის ცხინვალიზაციას“ გამოიწვევს და ოკუპანტებს საქართველოში შემოსვლა ნებისმიერ დროს კახეთიდანაც შეეძლებათ.

 

ამ თემაზე:

რუსეთს საქართველოში შემოსასვლელი ყვარლიდანაც ექნება

„ავარეთ – კახეთის გზის აღდგენა აღმოსავლეთ საქართველოს სრულიად დაუცველს გახდის“

„ეს გზა თუ გააკეთეს, შესაძლოა რუსები გადმოვიდნენ და ჩვენც დაგვიპყრონ“ [Video]

 

სხვა ამბები

არხის საკონტროლო პაკეტის მისაღებად ახალ შპს-ს „რუსთავი 2-ის გუნდს“ დავაფუძნებთ - ნიკა გვარამია

სამაუწყებლო კომპანია „რუსთავი 2“-ის გენერალური დირექტორის ნიკა გვარამიას განცხადებით, არხის თანამშრომლები ახალ შპს „რუსთავი 2-ის გუნდს“ დააფუძნებენ, რომელიც ტელევიზიის 91%-ის მფლობელებისგან ლევან და გია ყარამანიშვილებისგან აქციათა საკონტროლო პაკეტს მიიღებს.

დაწვრილებით  

მთის კურორტი ნებისმიერი შემოსავლის ადამიანისთვის ხელმისაწვდომი უნდა გავხადოთ – პრემიერი

ჩვენ უნდა გავხადოთ მთის კურორტი ხელმწისაწვდომი ნებისმიერი შემოსავლის მქონე ადამიანისთვის, ეს ძალიან მნიშვნელოვანია, – ამის შესახებ პრემიერ–მინისტრმა მთავრობის სხდომაზე განაცხადა. გიორგი კვირიკაშვილი სკოლებში საგაზაფხულო არდადეგების შემოღების შესახებ საქართველოს მთავრობის გადაწყვეტილებას გამოეხმაურა და მას პოზიტიური ნაბიჯი უწოდა. დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
სამშაბათი 23.05.17
11:00-12:00
Cloudyfrom northeast18°C1.9m/s
0mm
12:00-18:00
Cloudyfrom north-northeast19°C2.0m/s
0mm
18:00-00:00
RainNNW18°C2.0m/s
1.0mm
ოთხშაბათი 24.05.17 12:00-18:00
Light rain showers13°C3.3m/s
0.8mm
ხუთშაბათი 25.05.17 12:00-18:00
Partly cloudyfrom east-southeast17°C1.5m/s
0mm
პარასკევი 26.05.17 10:00-16:00
Partly cloudyfrom northeast16°C1.0m/s
0mm
yr.no

ავტორიზაცია

< ოქტომბერი 2014 >
ორშ სამ ოთხ ხუთ პარ შაბ კვი
    1 2 3 4 5
6 7 8 9 10 11 12
13 14 15 16 17 18 19
20 22 23 24 25 26
27 28 29 30 31