09:56:41

ფირნიშები
Share |

დედოფლისწყაროს საკრებულოს თავმჯდომარედ თამაზ თამაზაშვილის ცოლისძმა ნუგზარ პაპიაშვილი აირჩიეს

დედოფლისწყაროს საკრებულოს სხდომაზე საკრებულოს ახალ თავმჯდომარედ ნუგზარ პაპიაშვილი აირჩიეს, რომელიც ამ თანამდებობაზე ერთადერთი კანდიდატი იყო. მას მხარი საკრებულოს 24-მა წევრმა დაუჭირა. ნუგზარ პაპიაშვილი ყოფილი პრემიერ–მინისტრის ირაკლი ღარიბაშვილის სიმამრის, თამაზ თამაზაშვილის ცოლის, მაია თამაზაშვილის ძმაა.

საკრებულოს თავმჯდომარედ არჩევამდე ნუგზარ პაპიაშვილი საკრებულოს თავმჯდომარის მოადგილე იყო. დედოფლისწყაროს მუნიციპალიტეტის საკრებულოს წევრი ის „ქართული ოცნების“ პარტიული სიით გახდა.

2012 წლის საპარლამენტო არჩევნების შემდეგ, როცა ხელისუფლებაში „ქართული ოცნება“ მოვიდა, ნუგზარ პაპიაშვილი ენერგეტიკისა და ბუნებრივი რესურსების სამინისტროს, ბუნებრივი რესურსების სააგენტოს კახეთის რეგიონული სამმართველოს უფროსად დაინიშნა. მანამდე დედოფლისწყაროს მუნიციპალიტეტში სოფელ ქვემო ქედის ტერიტორიული ორგანოს რწმუნებულად მუშაობდა.

შეგახსენებთ, რომ დედოფლისწყაროს საკრებულოს ყოფილმა თავმჯდომარემ ზვიად ჯავახიშვილმა თანამდებობა 3 მარტს, საკუთარი განცხადებით დატოვა. ის ასევე გაგადგა პარტია „ქართული ოცნების“ დედოფლისწყაროს რაიონული ორგანიზაციის თავმჯდომარის პოზიციიდან. კახეთის საინფორმაციო ცენტრის ინფორმაციით, ჯავახიშვილის გადადგომის მიზეზი სიღნაღი-დედოფლისწყაროს მაჟორიტარ დეპუტატთან, ირაკლი შიოლაშვილთან დაპირისპირება გახდა. არსებული ინფორმაციით, დეპუტატსა და საკრებულოს თავმჯდომარეს შორის უთანხმოება 2016 წლის საპარლამენტო არჩევნების წინასაარჩევნო პერიოდში, მას შემდეგ დაიწყო, რაც ჯავახიშვილმა შიოლაშვილის კამპანიაში ჩართვაზე და შეხვედრებში მონაწილეობაზე უარი თქვა.



ამ თემაზე:

თამაზაშვილების კლანი კახეთში

სხვა ამბები

2016 წელს საქართველოში შობადობა შემცირდა, გარდაცვლილთა რიცხვი გაიზარდა - საქსტატი

სტატისტიკის ეროვნული სამსახურის ინფორმაციით, საქართველოში შობადობის მაჩვენებელი შემცირდა, სიკვდილიანობის მაჩვენებელმა კი მოიმატა. 2016 წლის ძირითადი დემოგრაფიული მაჩვენებლების მიხედვით, გასულ წელს ცოცხლად დაბადებულთა რიცხოვნობამ 56 569 ადამიანი შეადგინა, რაც 2015 წელთან შედარებით 4,5 %-ით ნაკლებია. ახალშობილთა შორის 28 887 ბიჭი და 27 682 გოგოა. დაწვრილებით  

ევროკავშირის ქვეყნებში როუმინგის ტარიფები გაუქმდება

15 ივნისიდან მოქალაქეებს შეეძლებათ, ევროკავშირის ერთი ქვეყნიდან მეორეში ისე იმოგზაურონ, რომ როუმინგში დამატებითი თანხა არ გადაიხადონ და, შესაბამისად, ისარგებლონ იმ ტარიფით, რაც სამშობლოში ჰქონდათ. დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 25.02.18
14:00-18:00
Fairfrom east-southeast9°C1.3m/s
0mm
18:00-00:00
Fairfrom east8°C1.1m/s
0mm
ორშაბათი 26.02.18 12:00-18:00
Partly cloudyfrom north-northeast6°C1.8m/s
0mm
სამშაბათი 27.02.18 12:00-18:00
Partly cloudyfrom east3°C2.0m/s
0mm
ოთხშაბათი 28.02.18 10:00-16:00
Clear skyfrom southwest6°C0.1m/s
0mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 4 5 7 8 9
10 11 12 13 14 15 16
17 18 19 20 21 22 23
24 25 26 27 28 29 30