22:08:21

ფირნიშები
Share |

თელავისთვის თვითმმართველი ქალაქის სტატუსის შენარჩუნების მოთხოვნით ხელმოწერების შეგროვება დაიწყეს

შეუნარჩუნდეს თელავს თვითმმართველი ქალაქის სტატუსი - ამ მოთხოვნით თელავის მერიის შენობის წინ, არასამთავრობო ორგანიზაციებმა, პოლიტიკური პარტიების წარმომადგენლებმა და რიგითმა მოქალაქეებმა აქცია გამართეს. აქციის მონაწილეებმა ხელმოწერების შეგროვება დაიწყეს, რომელსაც პრემიერ-მინისტრსა და პარლამენტის თავმჯდომარეს გაუგზავნიან.

აქციის ერთ-ერთი მონაწილის, „ნაციონალური მოძრაობის“ კახეთის რეგიონული ორგანიზაციის ხელმძღვანელის, გიორგი ბოტკოველის განცხადებით, თვითმმართველი ქალაქების რაოდენობის შემცირება უკან გადადგმული ნაბიჯი იქნება თვითმმართველობის რეფორმის და ქვეყნის განვითარებისთვის.

„დღეს მე ვიყავი აქციაზე არა როგორც პოლიტიკოსი, არამედ როგორც რიგითი თელაველი. თვითმმართველი ქალაქის სტატუსის შენარჩუნება - ეს არის საკითხი, რომელიც ყველა პოლიტიკური პარტიას გვაერთიანებს, მათ შორის თელავის მერიაში მომუშავე მაღალჩინოსნებს, რომლებიც ამას ასე ხმამაღლა ვერ აპროტესტებენ. 2014 წელს, ხელისუფლებამ ამომრჩეველს შესთავაზა და უფლება მისცა, რომ აერჩია ქალაქის მერი, მაგრამ ახლა აღმოჩდა, რომ ეს იყო ექსპერიმენტი. ხელისუფლება თვითმმართველი ქალაქების გაუქმების არგუმენტად ხარჯების ზრდას ასახელებს. გეთანხმებით, ხარჯები გაზრდილია, ახალი ააიპების, ნათესავების დასაქმების და პრემიების ხარჯზე. ჩვენ ასევე დავიწყეთ ხელმოწერების შეგროვება, რომელსაც პრემიერ-მინისტრს და პარლამენტის თავმჯდომარეს გავუგზავნით. რადგან ჩვენ ვფიქრობთ, რომ თვითმმართველი ქალაქებისთვის სტატუსის გაუქმება ეს იქნება უკან გადადგმული ნაბიჯი“,- განუცხადა კახეთის საინფორმაციო ცენტრს „ნაციონალური მოძრაობის“ კახეთის რეგიონული ორგანიზაციის ხელმძღვანელმა გიორგი ბოტკოველმა.

29 მარტს, საზოგადოებრივმა და მედიაორგანიზაციებმა 7 თვითმმართველი ქალაქისთვის სტატუსის ჩამორთმევასთან დაკავშირებით პრემიერ-მინისტრსა და პარლამენტის თავმჯდომარეს ღია წერილით მიმართეს.

იმავე დღეს, არასამთავრობო ორგანიზაციების განცხადებას რეგიონული განვითარებისა და ინფრასტრუქტურის სამინისტროში განცხადებით უპასუხეს. განცხადებაში აღნიშნულია, რომ 7 თვითმმართველი ქალაქისთვის - ზუგდიდისთვის, ოზურგეთისთვის, გორისთვის, თელავისთვის, ახალციხისთვის, მცხეთისთვის და ამბროლაურისთვის თვითმმართველი ქალაქის სტატუსის მოხსნის საკითხზე სამინისტროს მუშაობა დაწყებული აქვს.



სხვა ამბები

14 აპრილი ქართული ენის დღეა

14 აპრილს საქართველოში დედაენის დღე აღინიშნება. ეს დღე 1978 წლის მოვლენების აღსანიშნავად 1990 წლიდან დაწესდა. 1978 წლის 14 აპრილს თბილისში საქართველოს კომუნისტური პარტიის მიერ ქართული ენის კონსტიტუციური სტატუსის შეცვლის მცდელობის საპასუხოდ დემონსტრაციები ჩატარდა. დაწვრილებით  

ყალბი 100 დოლარიანი კუპიურების გასაღების ბრალდებით ერთი პირი დააკავეს

საქართველოს ფინანსთა სამინისტროს საგამოძიებო სამსახურის ინფორმაციით, სამართალდამცავებმა ყალბი ფულის გასაღების ბრალდებით, ერთი პირი დააკავეს.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 25.02.18
02:00-06:00
Partly cloudyNNW3°C1.0m/s
0mm
06:00-12:00
Partly cloudyfrom west-southwest3°C0.5m/s
0mm
12:00-18:00
Partly cloudyfrom east-northeast8°C1.1m/s
0mm
18:00-00:00
Partly cloudyfrom east-southeast8°C1.1m/s
0mm
ორშაბათი 26.02.18 12:00-18:00
Partly cloudyfrom north7°C1.9m/s
0mm
სამშაბათი 27.02.18 12:00-18:00
Partly cloudyfrom east-northeast4°C2.0m/s
0mm
ოთხშაბათი 28.02.18 10:00-16:00
Clear skyfrom east7°C0.4m/s
0mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30