19:32:42

ფირნიშები
Share |

პრეზიდენტი - არცერთმა პარტიამ არ უნდა ილაპარაკოს ხალხის სახელით ისე, რომ ხალხს არ დაეკითხოს [Video]

საქართველოს პრეზიდენტმა ადმინისტრაციის და პოლიტიკური პარტიების წარმომადგენლებთან ერთად კამპანიის „კონსტიტუცია ყველასია“ ფარგლებში, თელავის სახელმწიფო უნივერსიტეტში შეხვედრა გამართა. პრეზიდენტის განმარტებით, კამპანია კონსტიტუციის დამტკიცებამდე, ცვლილებების განხილვის პროცესში, საერთო სახალხო ჩართულობას გულისხმობს.

მისი განცხადებით, კონსტიტუციის სულისკვეთება საქართველოს თითოეული მოქალაქის თანხმობაა ძირითადი თამაშის წესების შესახებ.

„არაერთხელ გადასინჯულა კონსტიტუცია საქართველოში. ჩვენ ეს ვიცით და ეს გადასინჯვები იყო ჩვეულებრივ დახურულ კარს მიღმა, ერთი რომელიღაცა პოლიტიკური ძალის ინტერესებიდან გამომდინარე. არცერთ შემთხვევაში, არცერთმა პოლიტიკოსმა, არცერთმა პოლიტიკურმა ძალამ არ უნდა გადაწყვიტოს ის, რომ უკვე როდესაც ხელისუფლებაშია, ხალხის სახელით ილაპარაკოს ისე, რომ ხალხს არ დაეკითხოს.

მე არა მგონია, რომ ქართველ ხალხს უნდა წაგვართვან იმის უფლება, რომ ჩვენ გადავწყვიტოთ ვინ იქნება პრეზიდენტი და ჩვენ გადავწყვიტოთ არამარტო პრეზიდენტი, თავიდან ბოლომდე მთელი ვერტიკალი ჩვენ დავაკომპლექტოთ“, - განაცხადა მარგველაშვილმა.

სტუდენტის კითხვაზე, თუ პრეზიდენტს პარლამენტი აირჩევს, ვის დარჩება ის უფლებები, რომელიც პრეზიდენტს აქვს საკონსტიტუციო და უზენაეს სასამართლოებში მოსამართლეთა კვოტებთან დაკავშირებით, პრეზიდენტმა განმარტა:

„თუ ვინმე დაიწყებს ამ ფუნქციებზე მსჯელობას, ეს ფუნქციები აუცილებლად უნდა იყოს ისე შექმნილი, იქ არ რჩებოდეს იმის შთაბეჭდილება, რომ ერთი პოლიტიკური ძალის ხელშია ყველაფერი. ეს ძალიან მნიშვნელოვანია. ეს ეხება თქვენ მიერ დასმულ საკითხს მოსამართლეების თაობაზე, ეს ეხება ასევე მეორე მნიშვნელოვან ფუნქციას, რაც გააჩნია პრეზიდენტს კონსტიტუციით და ეს არის მთავარსარდლის ფუნქცია. რომ გავყვეთ ამ დეტალებს, ჯარი არ შეიძლება იყოს პოლიტიკური. მეც მაინტერესებს ამ საკითხებზე როგორ ჩამოყალიბდებიან ჩვენი კონსტიტუციონალისტები“.

პრეზიდენტი კამპანიის ფარგლებში ჩასვლას ყველა რეგიონში გეგმავს.

JavaScript is disabled!
To display this content, you need a JavaScript capable browser.



სხვა ამბები

დიდი ოდენობით ნარკოტიკის საქართველოში შემოტანის ბრალდებით ესპანეთის მოქალაქე დააკავეს

სამართალდამცავებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და საქართველოში უკანონოდ შემოტანის ბრალდებით ესპანეთის მოქალაქე დააკავეს. დაწვრილებით  

წნორში „ცოდნის კაფეში“ ჩაისა და ყავის საფასურის გადახდა ლექსით იქნება შესაძლებელი

მსოფლიო პოეზიის დღესთან დაკავშირებით, 20-21 მარტს, წნორში მდებარე „ცოდნის კაფეში“ ყავისა და ჩაის საფასურის გადახდა ლექსით იქნება შესაძლებელი. „ცოდნის კაფეს“ დამფუძნებლის ნანა ბაგალიშვილის თქმით, ყავისა და ჩაის შეკვეთის შემდეგ სტუმრები ექსპრომტად მოფიქრებულ ლექსს ფურცელზე დაწერენ, რომელიც მათი შეკვეთის საფასური იქნება.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 18.02.18 12:00-18:00
Rainfrom southwest3°C1.2m/s
2.2mm
ორშაბათი 19.02.18 12:00-18:00
Cloudyfrom southeast1°C0.9m/s
0mm
სამშაბათი 20.02.18 10:00-16:00
Cloudyfrom south-southwest1°C0.6m/s
0mm
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 2 3 4 5
6 7 8 9 10 11 12
13 15 16 17 18 19
20 21 22 23 24 25 26
27 28 29 30 31