03:11:47

ფირნიშები
Share |

გერმანია რუსეთს მოუწოდებს არ ჩაერთოს უკრაინის კონფლიქტის ახალ შეიარაღებაში

გერმანიის საგარეო საქმეთა მინისტრმა ზიგმარ გაბრიელმა რუსეთი განახლებული შეიარაღების შესახებ გააფრთხილა, რაც აღმოსავლეთ უკრაინის კონფლიქტს უკავშირდება და მოუწოდა კრემლს, შეამციროს შეიარაღებული ძალების რაოდენობა.

9 მარტს მოსკოვში, რუსეთის საგარეო საქმეთა მინისტრთან შეხვედრის შემდეგ, ზიგმარ გაბრიელმა აღნიშნა, რომ ის და მისი რუსი კოლეგა შეთანხმდნენ, რომ საჭიროა დიალოგის გაგრძელება ე.წ. „ნორმანდიულ ფორმატში“, რომელიც რუსეთს, უკრაინას, გერმანიასა და საფრანგეთს აერთიანებს აღმოსავლეთ უკრაინაში მიმდინარე კონფლიქტის დასრულების მიზნით.

გერმანიამ დაახლოებით 4000 ჯარისკაცი გაგზავნა NATO-ს იმ სამხედრო ქვედანაყოფში, რომელიც ალიანსის გადაწყვეტილებით ბალტიის ქვეყნებსა და პოლონეთშია განაწილებული მას შემდეგ, რაც რუსეთის მიერ უკრაინის წინააღმდეგ მიმართულმა აგრესიამ გაზარდა საშიშროება, რომ რუსეთს შესაძლოა ბალტიის რეგიონშიც სურდეს თავისი ექსპანსიური ინტერესების გატარება.

სერგეი ლავროვმა გადაჭრით უარყო ბრალდება, თითქოს რუსეთი არაპროპორციულად ზრდიდეს სამხედრო ძალებს თავის დასავლეთ საზღვრებზე. ამასთან რუსეთის საგარეო საქმეთა მინისტრმა აღიარა, რომ NATO-მ და რუსეთმა დაიწყეს ინფორმაციის ფრთხილად გაცვლა სამხედრო წვრთნების თაობაზე.

მოსკოვში ჩასვლამდე გერმანიის საგარეო საქმეთა მინისტრი გამოვიდა მოწოდებით, განახლდეს NATO-რუსეთის საბჭოს რეგულარული შეხვედრები. გასულ კვირას, სამწლიანი პაუზის შემდეგ, რუსეთმა და ჩრდილო-ატლანტიკურმა ალიანსმა მაღალი რანგის სარდლების დონეზე პირველად გამართეს სატელეფონო საუბარი. ალიანსის გენერალურმა მდივანმა იენს სტოლტენბერგმა მნიშვნელოვანი უწოდა NATO-ს სამხედრო კომიტეტის თავმჯდომარის, გენერალ პეტრ პაველისა და რუსეთის არმიის გენერალური შტაბის უფროსის, გენერალ ვალერი გერასიმოვის სატელეფონო საუბარს. შეგახსენებთ, რომ რუსეთის მიერ ყირიმის ანექსიის გამო 2014 წელს NATO-მ კრემლთან ურთიერთობა გაწყვიტა.



სხვა ამბები

გურჯაანში 24 წლის გოგონას მოტაცების ბრალდებით ორი პირი დააკავეს

სამართალდამცავებმა გურჯაანში 24 წლის გოგონას მოტაცების ბრალდებით ორი პირი დააკავეს. შინაგან საქმეთა სამინისტროს ინფორმაციით, 27 წლის გ. ცანკაშვილი, რომელმაც გოგონა ცოლად შერთვის მიზნით მოიტაცა, დანაშაულს აღიარებს.

დაწვრილებით  

მეორე მსოფლიო ომის ვეტერანი აფიზ ოსმანოვი 100 წლის გახდა [Photos]

ვეტერანების საქმეთა სახელმწიფო სამსახურის დირექტორმა ვლადიმერ იმნაძემ, უწყების სახელით ვეტერან აფიზ ოსმანოვს 100 წლის იუბილე მიულოცა, მადლობა გადაუხადა ქვეყნისათვის გაწეული სამსახურისათვის, ჯანმრთელობა და კეთილდღეობა უსურვა. 

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა

Warning: simplexml_load_file() [function.simplexml-load-file]: I/O warning : failed to load external entity "/var/www/vhosts/ick.ge/httpdocs/cache/curl.temp.xml" in /var/www/vhosts/ick.ge/httpdocs/modules/mod_yrWeather/helper.php on line 94

Warning: unlink(/var/www/vhosts/ick.ge/httpdocs/cache/curl.temp.xml) [function.unlink]: No such file or directory in /var/www/vhosts/ick.ge/httpdocs/modules/mod_yrWeather/helper.php on line 97

Warning: Invalid argument supplied for foreach() in /var/www/vhosts/ick.ge/httpdocs/modules/mod_yrWeather/helper.php on line 109

Warning: Invalid argument supplied for foreach() in /var/www/vhosts/ick.ge/httpdocs/modules/mod_yrWeather/helper.php on line 133

Warning: Invalid argument supplied for foreach() in /var/www/vhosts/ick.ge/httpdocs/modules/mod_yrWeather/helper.php on line 148
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 2 3 4 5
6 7 8 9 11 12
13 14 15 16 17 18 19
20 21 22 23 24 25 26
27 28 29 30 31