04:55:19

ფირნიშები
Share |

მექა ხანგოშვილი – ჩვენ გვაქვს ძალიან დიდი შიშის საფუძველი, რომ ჩატაევი რუსეთს გადასცენ

მექა ხანგოშვილი – ჩვენ გვაქვს ძალიან დიდი შიშის საფუძველი, რომ ჩატაევი რუსეთს გადასცენსაქართველოში ჩეჩნური დიასპორის წარმომადგენელი, რეინტეგრაციის საკითხებში სახელმწიფო მინისტრის აპარატის მრჩეველი მექა ხანგოშვილი მიმართავს საერთაშორისო უფლებადაცვით ორგანიზაციებს, დაიცვან ლოპოტას ხეობაში ჩატარებულ სპეცოპერაციასთან დაკავშირებით დაკავებული ჩეჩნეთიდან ლტოლვილის ახმედ ჩატაევის ინტერესები.

„ძალიან შეძრწუნებულები ვართ ინფორმაციით ახმედ ჩატაევის რუსეთში შესაძლო ექსტრადიციის შესახებ. კანონის ფარგლებში ეს არის შეუძლებელი, რადგან ახმედ ჩატაევს ავსტრიაში მიღებული აქვს პოლიტიკური თავშესაფარი, მაგრამ ჩვენ მაინც გვაქვს ძალიან დიდი შიშის საფუძველი, რადგანაც ეს ის სასამართლოა, რომელმაც 2004 წელს ჯერ სასამართლო დარბაზიდან გაუშვა ჩეჩენი მებრძოლები, რუსლან ალი ხაჯიევი და კიდევ ორი, მეორე დღეს კი ისინი გაუჩინარდნენ და ორკვირიანი ძებნის შემდეგ კრასნოდარისა და სტავროპოლის ციხეებში აღმოვაჩინეთ“, – განუცხადა კახეთის საინფორმაციო ცენტრს ჩეჩნური დიასპორის წარმომადგენელმა მექა ხანგოშვილმა.

„ეს გვაძლევს ჩვენ ძალიან დიდი შიშის საფუძველს, რომ ყველანაირი უკანონო მოქმედება შეიძლება მოხდეს. მე მივმართავ ყველა უფლებადამცველ ორგანიზაციას, რომ დადგნენ უკანონო პატიმრის ახმედ ჩატაევის უფლების სადარაჯოზე. ჩვენ არანაირი იმედი არა გვაქვს იმ სასამართლოსი, რომელმაც 1 ნოემბერს, ჯანმრთელობის მძიმე მდგომარეობის მიუხედავად, ადამიანი, რომელსაც ამპუტირებული აქვს მარცხენა ფეხი და მარჯვენა ხელი, სამწუხაროდ ჯერ კიდევ არ არის ჭრილობა შეხორცებული და განგრენის ნიშნები აქვს, საჭიროებს დამატებით ოპერაციას, ასეთი უკანონო პატიმარი დატოვა მოსამართლე მერაბ ჯორბენაძემ პატიმრობაში და გირაოთი არ გაუშვა“, – აცხადებს მექა ხანგოშვილი.

კახეთის საინფორმაციო ცენტრმა გუშინ გაავრცელა ინფორმაცია, რომ საქართველოს ხელისუფლება ლოპოტას ხეობაში ჩატარებულ სპეცოპერაციასთან დაკავშირებით დაკავებული ჩეჩნეთიდან ლტოლვილის ახმედ ჩატაევის რუსეთში ექსტრადიციას გეგმავს. რუსეთის პროკურატურაში დაადასტურეს, რომ რუსეთის ფედერაცია ახმედ ჩატაევს უკვე რამდენიმე წელია ეძებს და რომ ორი ქვეყნის წარმომადგენლებს შორის ამ საკითხზე მოლაპარაკება მიმდინარეობს, თუმცა ჩატაევის ექსტრადიციას ავსტრიის მიერ მასზე გაცემული ჩეჩნეთიდან ლტოლვილის სტატუსი აფერხებს.

ახმედ ჩატაევი სასჯელაღსრულების გლდანის მე–18 დაწესებულებაში უკვე ერთ თვეზე მეტია უკანონო პატიმრობაში იმყოფება.

საქართველოს მთავარი პროკურატურა ჩატაევს სსკ–ის 236–ე მუხლის I და II ნაწილებით გათვალისწინებული დანაშაულის ჩადენაში ადანაშაულებს, რაც ასაფეთქებელი მოწყობილობების მართლსაწინააღმდეგო შეძენა, შენახვა, ტარებას გულისხმობს და სამიდან ხუთ წლამდე თავისუფლების აღკვეთას ითვალისწინებს. ჩატაევს ამჟამად წინასწარი პატიმრობა აქვს შეფარდებული. ის თავს დამნაშავედ არ სცნობს.

ნატალია სარქისაშვილი | კახეთის საინფორმაციო ცენტრი

სხვა ამბები

ვეტერანებისთვის ზედმეტად გაცემული საყოფაცხოვრებო სუბსიდია ლეგალიზებას დაექვემდებარა

2013 წლის 1-ლი სექტემბრის შემდგომ ვეტერანთა გარკვეულ ნაწილს საყოფაცხოვრებო სუბსიდია ზედმეტად ერიცხებოდა, რასაც ახლდა ადმინსტრაციული და სასამართლო წარმოებების მიმდინარეობა საყოფაცხოვრებო სუბსიდიის უკან დაბრუნების თაობაზე. აღნიშნული პროცესი მძიმე ტვირთად დააწვა ვეტერანებს და მათი ოჯახის წევრებს.

დაწვრილებით  

საქართველოში პოლიეთილენის პარკების მოხმარება აიკრძალება

გარემოსთვის ზიანის მიყენების გამო, საქართველოს ტერიტორიაზე ოქსო-დეგრადირებადი პლასტიკის პარკების წარმოება, რეალიზაცია და იმპორტი აიკრძალება. გარემოსა და ბუნებრივი რესურსების სამინისტროს განმარტებით, საქართველოში იმპორტირებული და წარმოებული ბიოდეგრადირებადი პარკები ევროპულ სტანდარტს არ აკმაყოფილებს და არ ხდება მისი სრულად დეგრადირება.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ხუთშაბათი 24.08.17
09:00-12:00
Clear skyfrom northeast24°C1.7m/s
0mm
12:00-18:00
Clear skyfrom east27°C3.5m/s
0mm
18:00-00:00
Clear skyfrom east-northeast28°C2.8m/s
0mm
პარასკევი 25.08.17 12:00-18:00
Clear skyfrom east26°C2.3m/s
0mm
შაბათი 26.08.17 12:00-18:00
Clear skyfrom east26°C2.5m/s
0mm
კვირა 27.08.17 10:00-16:00
Clear skyfrom east23°C2.1m/s
0mm
yr.no

ავტორიზაცია

< ნოემბერი 2012 >
ორშ სამ ოთხ ხუთ პარ შაბ კვი
      1 2 3 4
5 6 8 9 10 11
12 13 14 15 16 17 18
19 20 21 22 23 24 25
26 27 28 29 30