10:01:40

Share |

კუდ–ის კახეთის სამმართველოს ყოფილი უფროსი მიმალვაში იმყოფება

კუდ–ის კახეთის სამმართველოს ყოფილი უფროსი მიმალვაში იმყოფებაშინაგან საქმეთა სამინისტროს ინფორმაციით, კონსტიტუციური უსაფრთხოების დეპარტამენტის კახეთის რეგიონული სამმართველოს ყოფილი უფროსი ზურაბ ლალიაშვილი მიმალვაში იმყოფება. გამოძიება სსკ-ის 333-ე მუხლის მე-3 ნაწილის „ბ“ ქვეპუნქტით მიმდინარეობს.

გამოძიების ინფორმაციით, კუდ–ის კახეთის სამმართველოს უფროსის ყოფილმა მოადგილემ დავით ლორთქიფანიძემ თავის ყოფილ უფროს ზურაბ ლალიაშვილთან ერთად სოფელ წინანდალში მცხოვრებ ალექსანდრე მეგუთნიშვილზე სხვადასხვა სახის ზეწოლა განახორციელა, რის შედეგადაც მეგუთნიშვილმა 2011 წლის მარტში შსს კონსტიტუციური უსაფრთხოების დეპარტამენტს ერთი „ტოიოტა ლენდ კრუიზერ 200“ და ორი „ტოიოტა კამრი“ შეუძინა. აღნიშნული დანაშაული 5 დან 8 წლამდე ვადით თავისუფლების აღკვეთას ითვალისწინებს.

შსს კახეთის მთავარი სამმართველოს და საოლქო პროკურატურის თანამშრომლებმა სამსახურებრივი უფლებამოსილების გადამეტების ბრალდებით დავით ლორთქიფანიძე უკვე დააკავეს. დავით ლორთქიფანიძე შს მინისტრის ყოფილი მოადგილის გია ლორთქიფანიძის ძმაა.

ზურაბ ლალიაშვილის სახელი უკავშირდება „ქართული ოცნების“ ლაგოდეხის შტაბის წევრის ზვიად ხვედელიძის დაპატიმრებას.

საპატრულო პოლიციის თანამშრომლებმა ხვედელიძე თბილისის აეროპორტში 2 დღის წინ დააკავეს. ხვედელიძე საქართველოში ბელორუსიიდან დაბრუნდა. მას შინაგან საქმეთა სამინისტრო ეძებდა. ზვიად ხვედელიძე საქართველოდან 10 თვის განმავლობაში გაქცეული იყო. მისი თქმით, შსს-ს კონსტიტუციური უსაფრთხოების დეპარტამენტის კახეთის სამმართველოს უფროსი ზურაბ ლალიაშვილი წინასაარჩევნოდ აგენტობას აიძულებდა. საქართველოდან წასვლის შემდეგ გურჯაანის რაიონულმა პროკურატურამ მას ბრალი ქალის გაუპატიურების მცდელობაში დასდო, გურჯაანის სასამართლომ კი 2012 წლის 12 იანვარს, დაუსწრებლად, 4 წლითა და 6 თვით პატიმრობა მიუსაჯა.

ხვედელიძის საქმეზე ჟურნალისტური გამოძიება კახეთის საინფორმაციო ცენტრმა ჩაატარა. ცენტრის მიერ მოპოვებული მტკიცებულებებით დასტურდება, რომ ხვედელიძე კონსტიტუციური უსაფრთხოების დეპარტამენტის მიერ დაგებულ მახეში გაება. მას ბრალად გაუპატიურების მცდელობა წაუყენეს, დაზარალებულად ცნობილი ქალბატონი კი პრეზიდენტის მიერ შეწყალებული პატიმარია, რომელიც კუდ–თან თანამშრომლობდა.

ფირნიშები

სხვა ამბები

მამა გიორგისგან კარგის მეტი არაფერი მომისმენია და მინახავს - ილია მეორე [Video]

მე ვიცნობ მამა გიორგის უკვე კარგა ხანია და კარგის მეტი არაფერი მომისმენია და მინახავს მისგან, - ამის შესახებ სრულიად საქართველოს კათალიკოს-პატრიარქმა ილია მეორემ დაკავებულ დეკანოზ გიორგი მამალაძესთან დაკავშირებით განაცხადა. ილია მეორე დეკანოზის საქმეს უცნაურ და არანორმალურ სიტუაციას უწოდებს.

დაწვრილებით  

პატრიარქი - წმინდა მეფე დავით წინასწარმეტყველს საკუთარმა შვილმა უღალატა

წმინდა მეფე დავით წინასწარმეტყველს მრავალი განსაცდელი შეხვდა – ერთ-ერთი უმძიმესი განსაცდელი იყო ის, რომ მას საკუთარმა შვილმა უღალატა, - ამის შესახებ საქართველოს კათოლიკოს-პატრიარქმა, ილია მეორემ სამების საკათედრო ტაძარში საკვირაო ქადაგებისას განაცხადა. მან მრევლს მართლმადიდებლობის ზეიმი მიულოცა და აღნიშნა, რომ დღესასწაულთან ერთად ეკლესიას არ აკლია მწუხარება.

დაწვრილებით  

ფოტო

News image

ეთიოპიის გოგირდოვანი წყაროები კარლ კორტის ობიექტივში [Photos]

ვიდეო

ბრაკონიერის ჩვენება - მგელი მეგონა, შემეშინდა, ვესროლე და შველი ყოფილა

ვიდეო

ბავშვები სკოლამდელი განათლების გარეშე სოფელ ჩანტლისყურეში

  • ამინდი
  • ვალუტა
სამშაბათი 28.03.17
14:00-18:00
Clear skyfrom west-northwest9°C3.2m/s
0mm
18:00-00:00
Clear sky8°C3.1m/s
0mm
ოთხშაბათი 29.03.17 12:00-18:00
Clear skyNNW10°C2.8m/s
0mm
ხუთშაბათი 30.03.17 12:00-18:00
Clear skyfrom east9°C2.5m/s
0mm
პარასკევი 31.03.17 10:00-16:00
Cloudyfrom northeast11°C0.1m/s
0mm
yr.no

ავტორიზაცია

< ნოემბერი 2012 >
ორშ სამ ოთხ ხუთ პარ შაბ კვი
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 30