10:01:53

Share |

ამნისტია ყველა პატიმარს შეეხება

ამნისტია ყველა პატიმარს შეეხებახელისუფლების გადაწყვეტილებით, ახალ წლამდე იმ პატიმართა ამნისტია იგეგმება, რომელთაც 0-დან 5 წლამდე აქვთ სასჯელი. მძიმე და განსაკუთრებით მძიმე დანაშაულის მქონე მსჯავრდებულებს კი სასჯელი მინიმუმ 1/3-ით შეუმცირდებათ. პარლამენტში კანონპროექტის განხილვა მიმდინარე კვირიდან დაიწყება.

პროექტს დეპუტატები ეკა ბესელია, გედევან ფოფხაძე და ზვიად კვაჭანტირაძე აწერენ ხელს. მისი განხილვის პროცესი კანონპროექტების განხილვის ვადების დაცვით წარიმართება. „პარლამენტის თავმჯდომარემ კოლეგებს სთხოვა, ვადები დაიცვან, მაგრამ განხილვის პროცესი არ გაახანგრძლივონ“, - წერს გაზეთი „რეზონანსი“ სტატიაში სათაურით ამნისტია ყველა პატიმარს შეეხება.

„გათვალისწინებული იქნება სასჯელთა შეკრებითობაც. ეს ნიშნავს შემდეგს - შესაძლოა ადამიანი იხდიდეს სასჯელს ორი ან სამი დანაშაულისთვის ერთდროულად, მაგრამ სამივე მსუბუქი დანაშაული იყოს, რომლისთვის პასუხისგება არ ითვალისწინებს 5 წელზე მეტს. ამ შემთხვევაში სამივე ეს სასჯელი გაუქმდება და ის გათავისუფლებული იქნება. თუ მარტო ერთი დანაშაულის გამო აქვს მისჯილი, რომელიც 7 ან 8 წელს ითვალისწინებს, მაგრამ მიუსაჯეს 5, ამ შემთხვევაში მას გაუნახევრდება, ან 1/3-ით შეუმცირდება. თუ პირველად ჩაიდინა დანაშაული - გაუნახევრდება, თუ მეორედ, მესამედ და ა.შ. 1/3-ით შეუმცირდება. რაც შეეხება ქალებს, რა დანაშაულიც არ უნდა ჰქონდეთ ჩადენილი, გაუნახევრდებათ - ეს ამნისტია იმ უსამართლო რეჟიმის აღიარებაა, რომელიც ქვეყანაში იყო გამეფებული. არ ვიცით, ეს ადამიანები სწორად გასამართლდნენ თუ არა, სწორედ ამიტომ სასჯელი ყველა პატიმარს შეუმსუბუქდება, მათ შორის იმათაც, რომლებიც ჯერ 2004 წლამდე დაიჭირეს“, - აცხადებს გამოცემის კორესპონდენტთან საუბრისას გედევან ფოფხაძე.

„რაკი ამნისტია შეეხება მძიმე და განსაკუთრებით მძიმე დანაშაულის მქონე პირებსაც, საპარლამენტო უმცირესობის წევრ ეკა ხერხეულიძის აზრით, ეს ნიშნავს, რომ ინიციატორებს არ აქვთ მსჯავრდებულთა საქმეები შესწავლილი, სურთ საზოგადოების ერთი ნაწილის გულის მოგება, მაგრამ „საზოგადოება სულ ცოტა ხანში იწვნევს ამ ამნისტიის შედეგებს“.

ასევე ადვოკატ პაატა შავაძის თქმით, განსაკუთრებით მძიმე დანაშაულის მქონე პირებს ამნისტია არ უნდა შეეხოთ: „არა იმიტომ, რომ ეს საზოგადოების გაღიზიანებას გამოიწვევს, არამედ საშიშია და ეს უნდა იქნეს გათვალისწინებული“.

ადვოკატი ირმა ჭკადუა მიიჩნევს, რომ პატიმრებს არათუ 1/3-ით, უფრო მეტითაც უნდა შემცირებოდათ მსჯავრი: „პატიმრები, ფაქტობრივად, ტუსაღობაში იყვნენ და ერთი დღე ორ დღედ უნდა ჩაეთვალოთ“, რადგან ისინი იყვნენ არაადამიანური მოპყრობის მსხვერპლი და „ნამდვილად არ არის საგანგაშო, რომ ამნისტია მძიმე და განსაკუთრებით მძიმე დანაშაულის ჩამდენ პირებსაც შეეხებათ...“ - აღნიშნავს ჭკადუა.

ფირნიშები

სხვა ამბები

საზოგადოებრივ მაუწყებელზე შესაძლოა 102 გადაცემა გაჩერდეს

საზოგადოებრივ მაუწყებელზე 2018 წლამდე შესაძლოა, 102 გადაცემა გაჩერდეს. ტელეკომპანიის დირექტორის თქმით, გადაცემების შესაძლო შეჩერება ეხება პირველ, მეორე სატელევიზიო არხებს და ასევე რადიოსაც. ვასილ მაღლაფერიძის განმარტებით, გამოთავისუფლებული თანხა ტელევიზიის ტექნიკურ თუ ფინანსურ განვითარებას უნდა მოხმარდეს.

დაწვრილებით  

ლაფანყურში საბრძოლო მასალის შეძენა-შენახვის ბრალდებით 28 წლის მამაკაცი დააკავეს [Video]

თელავის რაიონის სოფელ ლაფანყურში, საბრძოლო მასალის ან ფეთქებადი ნივთიერების მართლსაწინააღმდეგო შეძენა-შენახვის ბრალდებით 28 წლის მამაკაცი დააკავეს. შსს-ს ინფორმაციით, სამართალდამცავებმა დაკავებულის საცხოვრებელი სახლის ჩხრეკისას, 6 კილოგრამი ფეთქებადი ნივთიერება ამონიუმი, 46 საბრძოლო ვაზნა და ცეცხლსასროლი იარაღის დაშლილი დეტალები ამოიღეს.

დაწვრილებით  

ფოტო

News image

ეთიოპიის გოგირდოვანი წყაროები კარლ კორტის ობიექტივში [Photos]

ვიდეო

ბრაკონიერის ჩვენება - მგელი მეგონა, შემეშინდა, ვესროლე და შველი ყოფილა

ვიდეო

ბავშვები სკოლამდელი განათლების გარეშე სოფელ ჩანტლისყურეში

  • ამინდი
  • ვალუტა
სამშაბათი 28.03.17
14:00-18:00
Clear skyfrom west-northwest9°C3.2m/s
0mm
18:00-00:00
Clear sky8°C3.1m/s
0mm
ოთხშაბათი 29.03.17 12:00-18:00
Clear skyNNW10°C2.8m/s
0mm
ხუთშაბათი 30.03.17 12:00-18:00
Clear skyfrom east9°C2.5m/s
0mm
პარასკევი 31.03.17 10:00-16:00
Cloudyfrom northeast11°C0.1m/s
0mm
yr.no

ავტორიზაცია

< ნოემბერი 2012 >
ორშ სამ ოთხ ხუთ პარ შაბ კვი
      1 2 3 4
5 6 7 8 9 10 11
12 13 14 16 17 18
19 20 21 22 23 24 25
26 27 28 29 30