21:33:51

ფირნიშები
Share |

პრეზიდენტმა კახეთის გუბერნატორად ზურაბ ჭიაბერაშვილი დანიშნა

პრეზიდენტმა კახეთის გუბერნატორად ზურაბ ჭიაბერაშვილი დანიშნასაქართველოს პრეზიდენტმა კახეთის გუბერნატორად შრომის, ჯანმრთელობისა და სოციალური დაცვის ყოფილი მინისტრი ზურაბ ჭიაბერაშვილი დანიშნა. გუბერნატორის თანამდებობა ვაკანტური მას შემდეგ გახდა, რაც გიორგი ღვინიაშვილმა საპარლამენტო არჩევნებში მიიღო მონაწილეობა და გურჯაანის მაჟორიტარი დეპუტატი გახდა.

ზურაბ ჭიაბერაშვილი 1972 წლის 6 ივნისს დაიბადა. 1994 წელს დაამთავრა თბილისის სახელმწიფო უნივერსიტეტი ფილოსოფიის სპეციალობით, ხოლო 1997 წელს - საქართველოს მეცნიერებათა აკადემიის ფილოსოფიის ინსტიტუტის ასპირანტურა. 1993-1997 წლებში მუშაობდა სხვადასხვა თანამდებობებზე გაზეთ „რეზონანსში“. 1998 – 2002 წლებში იყო ფილოსოფიის ინსტიტუტის მეცნიერ-თანამშრომელი, კითხულობდა ლექციებს თბილისის სახელმწიფო უნივერსიტეტსა და მართვის ევროპულ სკოლაში (ESM). 2002 და 2003 წლების გაზაფხულის სასწავლო სემესტრების განმავლობაში იყო მიწვეული მკვლევარი ახალი სკოლის უნივერსიტეტში (ნიუ იორკი, აშშ). 1999-2002 წლებში მუშაობდა ეროვნულ ბიბლიოთეკაში. 2002-2003 წლებში იყო საერთაშორისო საზოგადოება „სამართლიანი არჩევნების“ აღმასრულებელი დირექტორი. „სამართლიანი არჩევნები აქტიურად მონაწილეობდა 2003 წლის საპარლამენტო არჩევნების დაკვირვებისა და შეფასების პროცესში. ორგანიზაციამ არჩევნები უარყოფითად შეაფასა. ვარდების რევოლუციის შემდეგ ჭიაბერაშვილი ცენტრალური საარჩევნო კომისიის თავმჯდომარედ დანიშნეს. მისი ხელმძღვანელობით ჩატარდა 2004 წლის საპრეზიდენტო არჩევნები. 2004-2005 წლებში იყო თბილისის მერი. 2005-2010 წლებში იყო საქართველოს მუდმივი წარმომადგენელი ევროპის საბჭოში. 2011-12 წლებში იყო საქართველოს საგანგებო და სრულუფლებიანი ელჩი შვეიცარიის კონფედერაციასა და ლიხტენშტეინში. 2012 წლიდან იყო საქართველოს შრომის, ჯანმრთელობისა და სოციალური დაცვის მინისტრი.

პრეზიდენტმა ახალი გუბერნატორები დანიშნა სხვა რეგიონებშიც. იმერეთში ვახტანგ ბალავაძე, სამეგრელო – ზემო სვანეთში ზაზა გოროზია, რაჭა-ლეჩხუმ – ქვემო სვანეთში გიორგი ჭელიძე.

„საქართველოს კონსტიტუციისა და საქართველოს მთავრობის სტრუქტურის უფლებამოსილებისა და საქმიანობის წესის შესახებ საქართველოს კანონის 27-ე მუხლის I პუნქტის შესაბამისად, საქართველოს პრეზიდენტი იყენებს თავის უფლებამოსილებას“, - განაცხადა პრეზიდენტის პრესსპიკერმა მანანა მანჯგალაძემ.

სხვა ამბები

ყაჩაღობა სამეგრელოში - თავდამსხმელებმა ერთი ქალი მოკლეს, ერთი კი დაჭრეს

მარტვილის რაიონის სოფელ ნაგვაზაოში ჩიხლაძეების სახლში გვიან ღამით რამდენიმე ნიღბიანი, შეიარაღებული პირი შეიჭრა. დაუდგენელმა პირებმა ორივე მათგანი აწამეს, რომელთაგან ერთი გარდაიცვალა, მეორე კი მძიმე მდგომარეობაში მარტვილის რაიონულ საავადმყოფოშია გადაყვანილი.

დაწვრილებით  

თვითმკვლელის მიერ მოწყობილი აფეთქებისას ქაბულში ხუთი ადამიანი დაიღუპა

ავღანეთის დედაქალაქ ქაბულში, სულ მცირე, ხუთი ადამიანი დაიღუპა და ათი დაშავდა აფეთქებისას, რომელიც თვითმკვლელმა თავდამსხმელმა სამინისტროს შენობების ახლოს მოაწყო. დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ოთხშაბათი 27.09.17
02:00-06:00
Rainfrom east13°C2.9m/s
0.7mm
06:00-12:00
Light rainfrom northeast12°C0.9m/s
0.7mm
12:00-18:00
Rainfrom east12°C0.2m/s
1.2mm
18:00-00:00
Rainfrom east-southeast12°C2.2m/s
3.6mm
ხუთშაბათი 28.09.17 12:00-18:00
Heavy rainfrom east9°C3.5m/s
10.2mm
პარასკევი 29.09.17 12:00-18:00
Light rainfrom east8°C2.6m/s
0.5mm
შაბათი 30.09.17 10:00-16:00
Partly cloudyfrom southwest10°C1.0m/s
0mm
yr.no

ავტორიზაცია

< ოქტომბერი 2012 >
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 17 18 19 20 21
22 23 24 25 26 27 28
29 30 31