09:57:05

ფირნიშები
Share |

დაზარალებულ მოქალაქეებს უკანონოდ ჩამორთმეული 10 მილიონი ლარის ქონება დაუბრუნდებათ

პროკურატურამ ორ ბიზნესმენს სახელმწიფოს მიერ ჩამორთმეული უძრავი ქონება დაუბრუნა. უწყების ინფორმაციით, მფლობელებს ქონება ყოფილი ხელისუფლების წარმომადგენლებმა მუქარისა და ზეწოლის გამოყენებით, უკანონოდ წაართვეს. საერთო ჯამში, ქონების ღირებულება 10 მილიონ ლარზე მეტია.

როგორც პროკურატურის მიერ გავრცელებულ განცხადებაშია აღნიშნული, საუბარია თბილისში, ე.წ. დიღმის ავტობაზრობის ტერიტორიაზე არსებულ მიწის ნაკვეთებზე.

პროკურატურის მიერ მიღებული კიდევ ერთი გადაწყვეტილებით, გადაისინჯება მოქალაქე ბადრი ბაკურაძის განაჩენიც, რომელიც ყოფილი საჯარო მოხელეა და სამსახურეობრივი გულგრილობის გამო გაასამართლეს და საცხოვრებელი ბინა ჩამოართვეს.

„გამოძიების მიმდინარეობისას, 2010 წელს, სხვადასხვა დროს „დიღომი 93“-ის დირექტორი ტარიელ ფალავანდიშვილი და შპს „ინტერსერვისის“ დირექტორი გილარ დაბრუნდაშვილი დაიბარეს სამართალდამცავ უწყებაში, სადაც მათ განუმარტეს, რომ იმ შემთხვევაში, თუ ისინი არ დათმობდნენ კომპანიის საკუთრებაში არსებულ მიწის ნაკვეთებს, კომპანიის ხელმძღვანელ პირებს დააპატიმრებდნენ და კომპანიას დაარიცხავდნენ დიდ გადასახადებს.

კომპანიის წარმომადგენლებმა სამართალდამცავების მუქარა დამფუძნებლებს გადასცეს, რის შემდეგაც განხორციელებული ფსიქოლოგიური ზეწოლის შედეგად, მოსალოდნელი გართულებების, ხელოვნურად გაზრდილი და დარიცხული გადასახადების თავიდან ასაცილებლად, ცალკეულ საჯარო მოხელეთა მითითებით, შპს „თავისუფალი ვაჭრობის კომპლექსი დიღომი-93“-მა ე.წ. დიღმის ავტობაზრობის მიმდებარე ტერიტორიაზე მისი კუთვნილი 24 184 კვ.მ მიწის ფართიდან სახელმწიფოს სასარგებლოდ იძულებით დათმო 16 500 კვ.მ მიწის ნაკვეთი, ხოლო შპს „ინტერსერვისმა“ 15.000 კვ.მ მიწის ნაკვეთი. ქონების სახელმწიფო საკუთრებაში გადასვლის შემდეგ, საგამოძიებო ორგანომ ხსენებული კომპანიების მიმართ შეწყვიტა გამოძიება.

გარდა ამისა, ახალმა დეპარტამენტმა ახლად გამოვლენილი გარემოებების გამო, განაჩენის გადასინჯვის გადაწყვეტილება აჭარის ა/რ უშიშროების სამინისტროს ბათუმის განყოფილების უფროსის ყოფილი მოადგილის ბადრი ბაკურიძის მიმართ მიიღო, რომელსაც ბათუმის საქალაქო სასამართლომ 2006 წლის 16 იანვრის განაჩენით 2 წლით თავისუფლების აღკვეთა მიუსაჯა“,- განაცხადეს მთავარ პროკურატურაში.

რაც შეეხებათ ქონების უკანონოდ ჩამორთმევაში მხილებულ ყოფილ საჯარო მოხელეებს, პროკურატურის ინფორმაციით, გამოძიებასთან თანამშრომლობის ხარისხის გათვალისწინებით, მათ მიმართ დისკრეციული უფლებამოსილების გამოყენების მიზანშეწონილობის საკითხზე პროკურატურა იმსჯელებს.



სხვა ამბები

ბათუმში გამართული აქციის 40-მდე მონაწილე დაკავებულია - შს მინისტრი

შინაგან საქმეთა მინისტრის გიორგი  მღებრიშვილის განცხადებით, ბათუმში გამართული აქციის მონაწილე დაახლოებით 40 ადამიანი დაკავებულია და მინდინარეობს პიროვნებების იდენტიფიკაცია. მღებრიშვილმა მომხდარი ვანდალურ აქტად შეაფასა და პირობა დადო, რომ დაუსჯელი არავინ დარჩება.

დაწვრილებით  

„რუსთავი 2“-მა სტრასბურგის სასამართლოს მიმართა

„რუსთავი 2“-მა უზენაესი სასამართლოს გუშინდელი გადაწყვეტილების აღსრულების შეჩერების თხოვნით სტრასბურგის სასამართლოს მიმართა. ამის შესახებ ჟურნალისტებს ტელეკომპანიის ადვოკატმა თამთა მურადაშვილმა განუცხადა.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 25.02.18
14:00-18:00
Fairfrom east-southeast9°C1.3m/s
0mm
18:00-00:00
Fairfrom east8°C1.1m/s
0mm
ორშაბათი 26.02.18 12:00-18:00
Partly cloudyfrom north-northeast6°C1.8m/s
0mm
სამშაბათი 27.02.18 12:00-18:00
Partly cloudyfrom east3°C2.0m/s
0mm
ოთხშაბათი 28.02.18 10:00-16:00
Clear skyfrom southwest6°C0.1m/s
0mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30