05:20:43

ფირნიშები
Share |

2016 წელს საქართველოში 4 379 მარტოხელა დედა დაფიქსირდა - ომბუდსმენი

2016 წელს სოციალურად დაუცველი ოჯახების სოციალურ–ეკონომიკური მდგომარეობის შეფასებისას 4 379 მარტოხელა დედა დაფიქსირდა. სახალხო დამცველის ინფორმაციით, საქართელოში მარტოხელა დედები სოციალური და კულტურული რეალობიდან გამომდინარე, ხშირად დგანან გენდერული უთანასწორობით გამოწვეული პრობლემების წინაშე.

უჩა ნანუაშვილის განმარტებით, სახელმწიფოსა და საზოგადოების მხრიდან მეტი ყურადღება არის საჭირო, რათა სრულყოფილად იყოს დაცული მარტოხელა მშობლებისა და მრავალშვილიან ოჯახებში მცხოვრებ ბავშვთა უფლებები.

„არაერთი კვლევით არის დადგენილი, მარტოხელა დედის სტატუსის მქონე ადამიანები და მათი ოჯახები სიღარიბის მაღალ რისკ–ჯგუფებს მიეკუთვნებიან. 2016 წელს სოციალურად დაუცველი ოჯახების სოციალურ–ეკონომიკური მდგომარეობის შეფასებისას დაფიქსირდა 4 379 მარტოხელა დედა. ქვეყანაში არ არსებობს სპეციფიური სოციალური პროგრამები. სოციალური დახმარება გენდერულად მგრძნობიარე არ არის და არ ითვალისწინებს მარტოხელა დედათა საჭიროებებს. ამასთან, კანონმდებლობით საერთოდ არ არის განსაზღვრული თუ ვინ ითვლება მრავალშვილიან დედად, რის შედეგადაც, მრავალშვილიანი დედები მთლიანად სახელმწიფოს ყურადღების მიღმა რჩებიან“,- აცხადებს სახალხო დამცველი.

უჩა ნანუაშვილის განცხადებით, მიუხედავად იმისა, რომ 2015 წლიდან საქართველოს სამოქალაქო კოდექსში შევიდა ცვლილებები და განისაზღვრა მარტოხელა მშობლის სტატუსი, აუცილებელია სტატუსთან დაკავშირებული საკანონმდებლო რეგულაციების სრულყოფა. ამასთან, მარტოხელა მშობლის სტატუსის მქონე პირებისათვის, როგორც ცალკე აღებულ ჯგუფზე სოციალური დახმარება ან რაიმე სოციალური შეღავათი გათვალისწინებული არ არის.

„სახალხო დამცველის აპარატი აქტიურად მუშაობს საქართველოს პარლამენტთან და სხვა შესაბამის უწყებებთან, რათა დაიხვეწოს და დარეგულირდეს სტატუსის მინიჭებისა და გაუქმების წესი. ვფიქრობ, რომ მარტოხელა მშობლის სტატუსის მინიჭება მხოლოდ მაშინ, თუ ბავშვის დაბადების მოწმობაში დედის/მამის შესახებ არ არის ჩანაწერი, არ ასახავს ამ საკითხის ირგვლივ არსებულ რეალობას. ასევე, მნიშვნელოვანია გადაიხედოს მარტოხელა მშობლის სტატუსის გაუქმების საფუძვლები და დაიხვეწოს ისე, რომ მარტოხელა მშობლებს გავუადვილოთ სამართლებრივ და სოციალურ ურთიერთობებში შესვლა ბავშვების საუკეთესო ინტერესების დასაცავად. კვლავ მოვუწოდებ საქართველოს მთავრობას გადადგას ქმედითი ნაბიჯები შრომის საერთაშორისო ორგანიზაციის 183–ე დედობის დაცვის კონვენციის რატიფიცირებისათვის და კიდევ ერთხელ, ვულოცავ დედებს 3 მარტის დღესასწაულს“,- ნათქვამია სახალხო დამცველის განცხადებაში.



სხვა ამბები

დემონსტრანტებმა კიევში მდებარე რუსულ ბანკს ალყა შემოარტყეს

რუსეთის ფედერაციის ცენტრალურმა ბანკმა - Сбербанк, ოფიციალურად მიმართა უკრაინის პოლიციას, რათა დაეცვა უკრაინის დედაქალაქში მდებარე ბანკის მთავარი შენობა ანტირუსული საპროტესტო აქციის მონაწილეთაგან, რომელთაც „სბერბანკის“ შენობას ალყა შემოარტყეს და მოითხოვდნენ უკრაინაში ამ ბანკის საქმიანობის აკრძალვას. ამავე ბანკის კიევში მდებარე სხვა ფილიალები მუშაობას განაგრძობდნენ. დაწვრილებით  

სამართალდამცავებმა თოვლში ჩარჩენილი 15 ავტომანქანა და 45 მგზავრი გამოიყვანეს

სამართალდამცავებმა მაშველებთან ერთად ჩატარებული სამაშველო ღონისძიების შედეგად, დიდთოვლობისა და რთული მეტეოროლოგიური პირობების გამო ნინოწმინდა-წალკა-თბილისის საავტომობილო გზაზე თოვლში ჩარჩენილი 15 ავტომანქანა და 45 მგზავრი გამოიყვანეს.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ოთხშაბათი 13.12.17
09:00-12:00
Clear skyfrom southwest1°C0.9m/s
0mm
12:00-18:00
Clear skyfrom east5°C1.7m/s
0mm
18:00-00:00
Fairfrom southwest2°C1.3m/s
0mm
ხუთშაბათი 14.12.17 12:00-18:00
Fairfrom east-southeast4°C1.9m/s
0mm
პარასკევი 15.12.17 12:00-18:00
Fairfrom east4°C0.5m/s
0mm
შაბათი 16.12.17 10:00-16:00
Clear skyfrom east2°C0.6m/s
0mm
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 2 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31