13:48:16

ფირნიშები
Share |

2017-2020 წლებში საქართველოში 2500 ინფრასტრუქტურული პროექტი განხორციელდება

2017-2020 წლებში, მთელი საქართველოს მასშტაბით 2 500-მდე ინფრასტრუქტურული პროექტი განხორციელდება. მთავრობის ადმინისტრაციის ინფორმაციით, აშენდება 1 000 კილომეტრი გზა, საიდანაც 350 კმ ჩქაროსნული მაგისტრალი, ხოლო 650 კმ შიდასახელმწიფოებრივი - რეგიონული მნიშვნელობის გზებია. მათივე თქმით, ოთხპუნქტიანი გეგმის ფარგლებში დამატებით 500 ათასამდე ადამიანი ისარგებლებს 24-საათიანი წყალმომარაგებით.

პრემიერ-მინისტრის, გიორგი კვირიკაშვილის განმარტებით, აღნიშნული ინფრასტრუქტურული პროექტების განხორციელების შედეგად, ქვეყანაში 40 ათასი სამუშაო ადგილი შეიქმნება, ხოლო ქვეყანა უფრო ძლიერი და ეკონომიკურად განვითარებული გახდება.

„ჩვენმა ქვეყანამ უკვე შექმნა წარმატების ძალიან მნიშვნელოვანი ისტორია: ჩვენ მოვიპოვეთ თავისუფლება, ჩვენი ქვეყანა დავაყენეთ დემოკრატიული განვითარების გზაზე და სტაბილური განვითარებით ვქმნით ახალ რეალობას. დღეს ჩვენ ნამდვილად გვაქვს შესაძლებლობა, შევქმნათ წარმატების სრულიად ახალი ისტორია, რომელშიც თითოეულ მოქალაქეს ექნება ყველა პირობა ღირსეული ცხოვრებისთვის. დარწმუნებული ვარ, ქვეყნის განვითარების ხედვა, ის ოთხპუნქტიანი გეგმა, რომელიც ჩვენმა მთავრობამ შეიმუშავა, გარდამტეხ როლს შეასრულებს საქართველოს სწრაფ განვითარებაში, სწრაფ წინსვლაში და სრულიად ახალ შესაძლებლობებს შექმნის ჩვენი ხალხისთვის, ჩვენი მოსახლეობისთვის“, - განაცხადა პრემიერ-მინისტრმა.

გიორგი კვირიკაშვილის თქმით, საკმარისი რესურსი არსებობს, რომ რეგიონები თანაბრად განვითარებული იყოს.

„21-ე საუკუნეში გეოგრაფიული მდებარეობა აღარ უნდა წარმოადგენდეს დაბრკოლებას ჯანდაცვის, განათლების მიღების, სოციალური ინფრასტრუქტურის ხელმისაწვდომობის, ბიზნესის კეთებისა თუ სხვა თვალსაზრისით. ჩვენი მიზანია, ხელმისაწვდომი პირობები შევუქმნათ ჩვენს მოქალაქეებს ქვეყნის ნებისმიერ წერტილში“, - აღნიშნა გიორგი კვირიკაშვილმა.



სხვა ამბები

სიღნაღის სასამართლომ სიდედრის მკვლელობის მცდელობისთვის ბრალდებულს 17 წლით პატიმრობა მიუსაჯა

სიღნაღის რაიონულმა სასამართლომ 17 წლით პატიმრობა მიუსაჯა მამაკაცს, რომელმაც შურისძიების მოტივით, განზრახ მოკვლის მიზნით ცივი იარაღით მრავლობითი დაზიანებები მიაყენა სახლში მყოფ სიდედრს, სიდედრის დას და მძინარე მდგომარეობაში მყოფ თ.ბ.-ს. დაწვრილებით  

ახმეტაში საკრებულოს თავმჯდომარის მოადგილის იმპიჩმენტი მესამედ ჩავარდა

ახმეტის მუნიციპალიტეტის საკრებულოს მორიგ სხდომაზე თავმჯდომარის მოადგილე თამაზ წითელაური თანამდებობებიდან ვერ გადააყენეს. საკრებულოს 6 ოპოზიციონერი წევრის მიერ ინიცირებული იმპიჩმენტი კიდევ ერთხელ ჩავარდა. „ქართული ოცნებისა“ და ყოფილი კოალიციის წევრმა დეპუტატებმა ფარულ კენჭისყრაში მონაწილეობა არ მიიღეს.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
კვირა 22.10.17
18:00-00:00
Partly cloudyfrom northeast14°C0.8m/s
0mm
ორშაბათი 23.10.17 12:00-18:00
Fairfrom east-northeast14°C0.7m/s
0mm
სამშაბათი 24.10.17 12:00-18:00
Partly cloudyfrom northeast11°C1.0m/s
0mm
ოთხშაბათი 25.10.17 10:00-16:00
Clear skyfrom northwest12°C0.3m/s
0mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 4 5 6 7 8 9
10 11 13 14 15 16
17 18 19 20 21 22 23
24 25 26 27 28 29 30