17:30:33

ფირნიშები
Share |

სოფელ აკურაში ვირების ფერმა გაიხსნა

თელავის რაიონის სოფელ აკურაში ფერმერმა სოსო კირვალიძემ ვირების ფერმა გახსნა. მას მეურნეობაში 16 ვირი ჰყავს. როგორც კახეთის საინფორმაციო ცენტრს სოსო კირვალიძემ უთხრა, მთავარი მიზანი ვირის რძის წარმოებაა.

„ვირების ფერმის გახსნის იდეა მე და ჩემ ძმას დაახლოებით ნახევარი წლის წინ გაგვიჩნდა. შემდეგ გავიგეთ, რომ საქართველოში ვირების ფერმა უკვე არსებობდა და ჩვენ გეგმებში უკეთ გასარკვევად მის მეპატრონესთან, თემურ ლომიძესთან წავედით გარდაბანში. იქიდან ჩამოსვლის შემდეგ სოფლებში 16 ვირი ვიყიდეთ. ვირების შოვნა ძალიან ჭირს.

საქართველოში ვირის რძის სასარგებლო თვისებების შესახებ ნაკლებად აქვთ ინფორმაცია და ვირს ძირითადად ტვირთის გადასაზიდად იყენებენ. ვირის რძე ევროპაში ძალიან ძვირადღირებული და სასარგებლო პროდუქტია. მას ძირითადად სამკურნალოდ და კოსმეტიკაში იყენებენ. მასში ცხიმიანობა ნაკლებია და 0.5%-ს შეადგენს.

ვირის რძის შეგროვება ძალიან რთულია, ცოტას იწველება და 40 სულამდე მაინც უნდა გავზარდოთ რაოდენობა, რომ წარმოება დავიწყოთ. ექსპორტზე გატანა ალბათ უფრო შორეული პერსპექტივაა და ახლა ჩვენი მთავარი მიზანია ადგილობრივი მომხმარებლები დავაკმაყოფილოთ. თავიდან მხოლოდ რძის წარმოებას ვაპირებთ. ამ მიმართულებით აქტიურად ვითანამშრომლებთ თემურ ლომიძესთან, რომელმაც ვირის რძე საკვებ პროდუქტად უკვე დაარეგისტრირა“,- უთხრა კახეთის საინფორმაციო ცენტრს სოსო კირვალიძემ.

მისივე თქმით, მას შემდეგ რაც კახეთის სოფლებში მათი ბიზნესის შესახებ შეიტყვეს, ვირის ფასი გაორმაგდა და 400–500 ლარი ღირს.



 

ამ თემაზე:

ვირის რძის წარმოების მიზნით, საქართველოში ვირების პირველი ფერმა გაიხსნა

თემურ ლომიძე ვირის ძეხვის საწარმოს გახსნას გეგმავს

სხვა ამბები

სტოკჰოლმში სატვირთო მანქანა ხალხს დაეჯახა, დაღუპულია სამი ადამიანი

შვედეთის დედაქალაქ სტოკჰოლმის ცენტრში, ფეხით სასიარულო ცნობილ ქუჩაზე „დრუტნინგატანი“, სატვირთო მანქანა ხალხს დაეჯახა. დაღუპულია სულ მცირე სამი ადამიანი, რამდენიმე მათგანი კი დაშავდა. დაწვრილებით  

2016 წელს კახეთში 1 936 ქორწინების და 676 განქორწინების შემთხვევა დარეგისტრირდა

2016 წელს რეგისტრირებული ქორწინებების რაოდენობა წინა წელთან შედარებით 13,9 %-ით შემცირდა და 25 101 შეადგინა. სტატისტიკის ეროვნული სამსახურის მონაცემებით, სულ 9 539 განქორწინება დაფიქსირდა, რაც 2015 წლის ანალოგიურ მაჩვენებელთან შედარებით 4,7 %-ით მეტია. გასულ წელს კახეთის რეგიონში 1 936 ქორწინების და 676 განქორწინების შემთხვევა დარეგისტრირდა.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ოთხშაბათი 16.08.17
22:00-00:00
Cloudyfrom northeast22°C0.8m/s
0mm
ხუთშაბათი 17.08.17 12:00-18:00
Partly cloudyfrom south-southwest20°C1.6m/s
0mm
პარასკევი 18.08.17 12:00-18:00
Partly cloudyfrom east-northeast24°C1.6m/s
0mm
შაბათი 19.08.17 10:00-16:00
Partly cloudyfrom east23°C1.7m/s
0mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 4 5 6 7 8 9
11 12 13 14 15 16
17 18 19 20 21 22 23
24 25 26 27 28 29 30