07:06:45

ფირნიშები
Share |

თემურ ლომიძე ვირის ძეხვის საწარმოს გახსნას გეგმავს

ფერმერმა თემურ ლომიძემ, რომელმაც ცოტა ხნის წინ საქართველოში ვირების პირველი ფერმა გახსნა,  ვირის რძე საკვებ პროდუქტად დაარეგისტრირა. მისი თქმით, 100 და 150-მილიგრამიან ქილებში დაფასოებული ვირის რძე მაღაზიებში 2 თვეში გამოჩნდება. ფერმერი ვირის რძისგან ყველსაც აწარმოებს. ერთი ლიტრი ვირის რძე 60 ლარი, ერთი კილო ყველი კი 2 000 ლარამდე ეღირება.

როგორც კახეთის საინფორმაციო ცენტრს თემურ ლომიძემ უთხრა, ვირის რძე ბავშვის საკვებად, მედიცინაში, ასევე კოსმეტიკური საშუალებების დასამზადებლად გამოიყენება. 

„სოფლის მეურნეობის სამინისტროს დახმარებითა და სურსათის ეროვნული სააგენტოს ჩართულობით, ჩვენი რძის ვარგისიანობა სამმა დამოუკიდებელმა ექსპერტიზამ დაადგინა. აღმოჩნდა, რომ თუ ევროპაში ცხიმიანობა 0.6% იყო, ჩვენთან ამ ციფრმა 0.5% შეადგინა. აღნიშნული შემოწმებების შედეგად ახლა მივიღეთ ნებართვა, რძე საკვებ პროდუქტად დაგვერეგისტრირებინა. აქამდე მხოლოდ ფარმაცევტულ და კოსმეტიკურ კომპანიებს ვაბარებდით ლიტრს 60 ლარად. ამჟამად ვირის რძის შეფუთვაზე ვმუშაობთ და ვფიქრობთ, რომ უკვე ბრენდირებული დაფასოებით მაღაზიებში 2 თვეში შევიტანთ. ჩვენთან ვირის რძეს ბავშვების სამკურნალოდ, ექიმების დანიშნულებით ყიდულობენ. ვირის რძე ყივანახველისთვის უებარი წამალია. ამჟამად ფერმას შეუძლია რძით ყოველდღიურად რამდენიმე ბაგა-ბაღი მოამარაგოს. მოხარული ვიქნებით, თუ ამ ინიციატივით, საზოგადოების გარდა, სოფლის მეურნეობის სამინისტროსთან ერთად, ჯანდაცვის სამინისტროც დაინტერესდება და რძეს საბავშვო ბაღებში შეიტანენ. ფერმაში სულ 62 ვირი მყავს და მცირე წარმადობის გამო (20-25 ლ) პოლონურ კოსმეტიკურ და ფარმაცევტულ კომპანიას უარი ვუთხარი. დღეში 100 ლიტრი უნდოდათ. რძის წარმოებასთან ერთად გავაკეთებთ ყველს, რომელიც ასევე ძალიან სასარგებლო და დელიკატური პროდუქტია. ევროპაში ერთი კილო სახედრის ყველი 1 200 დოლარი ღირს“, - უთხრა კახეთის საინფორმაციო ცენტრს თემურ ლომიძემ.

მისივე თქმით, რძის წარმოების პარალელურად აქტიურად მუშაობენ სახორცე ჯიშის ვირის - ე.წ „შავცხვირას“ სელექციაზე. წლის ბოლოს კი ვირის ძეხვის საწარმოს გახსნას გეგმავენ.

„ფერმაში თითქმის ყველა სახედარი მაკედ არის და მაისის თვეში გააჩენენ. აქედან ნახევარი მამალი, ნახევარი კი დედალი ჩოჩორები იქნებიან. შესაბამისად, ამდენი მამალი სახედარი არ გვჭირდება ფერმაში და მათ ხორცს გამოვიყენებთ გადასამუშავებლად. ჩვენი დაკვირვებით, მეხორცულობის თვალსაზრისით საუკეთესო „შავცხვირა“ ჯიშია. საწარმოს გახსნის და პროდუქციის გამოშვების შემდეგ, მივმართავთ ისევ სოფლის მეურნეობის სამინისტროს და შემოწმების შედეგად დავარეგისტრირებთ ვირის ძეხვს. ევროპაში ვირის ხორცისგან დამზადებული ძეხვი დელიკატესად ითვლება და ძალიან ძვირი ღირს. ფასიდან გამომდინარე, ეს არ იქნება ფართო სეგმენტზე გათვლილი პროდუქტი. ძეხვს ალბათ სასტუმროებში შევიტანთ“, - აღნიშნა თემურ ლომიძემ.



სხვა ამბები

ვეტერანების საქმეთა სახელმწიფო სამსახურის თანამშრომლებმა გმირთა მემორიალი გვირგვინით შეამკეს

სოხუმზე ფართომასშტაბიანი შეტევის მოგერიების თარიღი ვეტერანების საქმეთა სახელმწიფო სამსახურის დირექტორის მოადგილემ ჯანდრი უბირიამ, სამსახურის სხვა თანამშრომლებმა, ვეტერანებმა და აფხაზეთის მთავრობამ გმირთამოედანზე აღნიშნეს. გმირთა მემორიალი გვირგვინით შეამკეს და დაღუპული მეომრები გაიხსენეს. 

დაწვრილებით  

სოფელ ხაშმში მცხოვრები ომის ვეტერანი ალექსანდრე ყვარელაშვილი 100 წლის გახდა

საგარეჯოს რაიონის სოფელ ხაშმში მცხოვრები მეორე მსოფლიო ომის ვეტერანი ალექსანდრე ყვარელაშვილი 100 წლის გახდა. ომის ვეტერანს იუბილე ვეტერანების საქმეთა სახელმწიფო სამსახურის დირქტორმა ვლადიმერ იმნაძემ და სამსახურის რეგიონული მართვის დეპარტამენტის თანამშრომლებმა პირადად მიულოცეს და საჩუქრები გადასცეს.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
ოთხშაბათი 28.06.17
11:00-12:00
Clear skyfrom east-southeast25°C1.0m/s
0mm
12:00-18:00
Partly cloudyfrom east26°C1.5m/s
0mm
18:00-00:00
Fairfrom north-northeast26°C1.9m/s
0mm
ხუთშაბათი 29.06.17 12:00-18:00
Partly cloudyfrom east25°C2.3m/s
0mm
პარასკევი 30.06.17 12:00-18:00
Partly cloudyfrom east-northeast25°C1.3m/s
0mm
შაბათი 01.07.17 10:00-16:00
Clear sky24°C1.0m/s
0mm
yr.no

ავტორიზაცია

< აპრილი 2017 >
ორშ სამ ოთხ ხუთ პარ შაბ კვი
          1 2
3 4 5 6 7 9
10 11 12 13 14 15 16
17 18 19 20 21 22 23
24 25 26 27 28 29 30