13:16:56

Share |

ბუნებრივი აირის ტარიფი შესაძლოა გაიზარდოს - ენერგეტიკის მინისტრი

ენერგეტიკის მინისტრის კახა კალაძის განცხადებით,  ბუნებრივი აირის ტარიფი შესაძლოა გაიზარდოს. გაზის ფასზე ენერგეტიკის და წყალმომარაგების მარეგულირებელ ეროვნულ კომისიაში 24 ივლისამდე იმსჯელებენ.

მინისტრის განმარტებით, საქართველოში ბუნებრივი აირი სრულად იმპორტირებულია მეზობელი ქვეყნებიდან, მისი ყიდვა ხდება უცხოურ ვალუტაში - დოლარში და საქართველოში მოსახლეობაზე ეროვნულ ვალუტაში ხდება მისი გასაღება.

„არის შესაძლებლობა იმისა, რომ ტარიფები გაიზარდოს, თუმცა დაველოდოთ მარეგულირებელი კომისიის გადაწყვეტილებას. ეს მხოლოდ და მხოლოდ გამოწვეულია კურსის ცვალებადობით. დაველოდოთ, რადგან საკმაოდ შრომატევადი სამუშაოა. იმის შემდეგ, როცა იქნება გადაწყვეტილება მიღებული, მერე შეგვიძლია უკვე კონკრეტიკაზე ვისაუბროთ, თუმცა ის მეთოდი, რომ მოხდეს კონკრეტული ადამიანების სუბსიდირება ბიუჯეტიდან, ევროპულ ქვეყნებშიც მისაღები ფორმაა, შესაბამისად, შეიძლება განვიხილოთ იმ შემთხვევაში, თუ ტარიფის მატება იქნება ბუნებრივ აირზე. მე არ ვამბობ, რომ ეს აუცილებლად იქნება, ამას მარეგულირებელი დაადგენს. იმ შემთხვევაში თუ იქნება, შესაძლებელია ვისაუბროთ მიზნობრივ სუბსიდირებაზე, როგორც ეს ელექტრონერგიის ნაწილში გვაქვს“, - განაცხადა კალაძემ.

ენერგეტიკის და წყალმომარაგების მარეგულირებელ ეროვნულ კომისიაში განმარტავენ, რომ მოხდება ტარიფის გათანაბრება ძველი და ახალი აბონენტებისთვის.

„2007 წლის 1 სექტემბრის შემდგომ არსებული ახალი აბონენტები რეგიონებში და 2008 წლის 1 აგვისტოს შემდეგ არსებული ახალი აბონენტები თბილისში არ არიან მოქცეული ამ სატარიფო რეჟიმში, იქ ფასი არის დერეგულირებული, შესაბამისად ჩვენ ვფიქრობთ, რომ უნდა მოხდეს ამ რეგულაციის და რეჟიმის გაუქმება და შემოყვანა ჩვეულებრივ რეგულაციაში. საფასური დადგინდება ერთიანი იმ მომხმარებლებისთვის, რომლებიც არიან დღეს რეგულირებულ ნაწილში მოქცეული და ასევე იმ მოსახლეობისთვის, რომლებიც არიან დერეგულირებულ ნაწილში მოქცეულნი. სხვადასხვა ფასებია, როგორც რეგულირებულ ნაწილში ასევე დერეგულირებულში, თუმცა ეს ფასები გათანაბრდება,“ - განაცხადა ენერგეტიკის და წყალმომარაგების მარეგულირებელი კომისიის წევრმა გოჩა შონიამ.



 

 

ფირნიშები

სხვა ამბები

მუკუზანში საცხოვრებელი სახლის ქურდობის ბრალდებით 2 პირი დააკავეს

პოლიციამ ქურდობის ბრალდებით, წარსულში ნასამართლევი, ორი პირი დააკავა. შინაგან საქმეთა სამინისტროს ინფორმაციით, ბრალდებულებმა 3 მარტს, გურჯაანის რაიონის სოფელ მუკუზანში მოქალაქის ბინა გაქურდეს და საყოფაცხოვრებო ტექნიკა მოიპარეს.

დაწვრილებით  

მთის კურორტი ნებისმიერი შემოსავლის ადამიანისთვის ხელმისაწვდომი უნდა გავხადოთ – პრემიერი

ჩვენ უნდა გავხადოთ მთის კურორტი ხელმწისაწვდომი ნებისმიერი შემოსავლის მქონე ადამიანისთვის, ეს ძალიან მნიშვნელოვანია, – ამის შესახებ პრემიერ–მინისტრმა მთავრობის სხდომაზე განაცხადა. გიორგი კვირიკაშვილი სკოლებში საგაზაფხულო არდადეგების შემოღების შესახებ საქართველოს მთავრობის გადაწყვეტილებას გამოეხმაურა და მას პოზიტიური ნაბიჯი უწოდა. დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
შაბათი 29.04.17
18:00-00:00
Cloudyfrom east15°C1.9m/s
0mm
კვირა 30.04.17 12:00-18:00
Partly cloudyfrom northeast14°C2.0m/s
0mm
ორშაბათი 01.05.17 12:00-18:00
Partly cloudyfrom east-northeast21°C1.8m/s
0mm
სამშაბათი 02.05.17 10:00-16:00
Light rainfrom east-northeast17°C1.9m/s
0.7mm
yr.no

ავტორიზაცია

< მარტი 2017 >
ორშ სამ ოთხ ხუთ პარ შაბ კვი
    1 2 3 4 5
6 7 8 9 11 12
13 14 15 16 17 18 19
20 21 22 23 24 25 26
27 28 29 30 31